香港食嘅韓國菜係垃圾食物？！網民引罵戰：點解咁多人憎韓國菜｜飲食熱話

Jul 15 2022

香港食嘅韓國菜係垃圾食物? 近日有網民在討論區內挑機，以「點解咁多人憎韓國菜」為題，大數在香港的韓國菜是將「街邊食物就放喺餐廳賣到成嚿水」，明明「喺韓國係下欄嘢，嚟到香港就吊高嚟賣」，更甚者有網民更寫下「韓國傳統菜真係畀狗都唔食」辛辣批評，隨即惹起網上熱烈討論，不少人指「香港食（韓國菜）的確係好唔抵又唔好食」，筆者就認為好食與否完全視乎個人口味，你又點睇？

韓國嘢根本就係垃圾食物？！網民：香港吊高來賣唔抵食

有網民在連登討論區內以「點解咁多人憎韓國菜」發帖，直指「唔係韓國菜難食，係香港嘅韓國餐廳真係好難食」，並表示「街邊食物就放喺餐廳賣到成嚿水」，質素差、價錢貴，下欄嘢扮上菜，有「吊高嚟賣」劏客的嫌疑，隨即惹起網上熱烈討論。

有網民點出韓國菜一醬走天涯，味道沒有其他菜式般多變，「好多嘢食都係同一種泡菜辣醬」，食到味覺疲勞，並批評大受歡迎的韓國名物醬油蟹，「韓國食個啲係淡水蟹嚟唔係咸水」，甚或誇張地將之比喻成「同食鯇魚魚生有咩分別」、真係有機會食到「成肚蟲」，並指「根本食嘅人有一半都自己呃自己話好好食」，評論極為辛辣惹火。而另一港人最愛的「紫菜包飯」則被指「喺韓國係下欄嘢十幾廿蚊有一條，嚟到香港就吊高嚟賣」、「部隊鍋，求其一間打邊爐都好過佢」。

韓國菜網民指「部隊鍋求其一間打邊爐都好過佢」。 — 有網民指香港食嘅韓國菜係垃圾食物，網民指「部隊鍋求其一間打邊爐都好過佢」。（圖片來源：Unsplash@markus winkler）

韓國菜另一美食韓式飯卷則被評為「喺韓國係下欄嘢十幾廿蚊有一條，嚟到香港就吊高嚟賣」 — 另一美食韓式飯卷則被評為「喺韓國係下欄嘢十幾廿蚊有一條，嚟到香港就吊高嚟賣」（圖片來源：unsplash@filippo faruffini）

大多網民表示韓國菜食材不夠高級，以平民價來吃是絕無問題，但在香港索價高昂，完全物非所值。（圖片來源：Unsplash@mike swigunski）

網民點出韓國菜一醬走天涯，味道沒有其他菜式般多變。（圖片來源：Unsplash@giselle herrera）

台灣菜躺著也中槍過百元碗肉燥飯物非所值

心水清的網民指出在港韓國菜之所以多人憎，矛頭直指是香港成本高「賣到貴一貴」作祟，認為「韓國菜問題係食材唔高級，再加上香港賣得特別貴」，在香港「咁多人憎韓國菜」的原因只是覺得香港的韓國菜開天索價，物非所值。不獨在港韓國菜備受批評，就連台灣菜躺著也中槍，「台灣嘢都係，垃圾肉燥飯，台灣5蚊，香港成嚿水」，不少人認同「喺香港食乜嘢國家嘅嘢都要打返個7折」，確實香港租金貴，成本自然會轉嫁於消費者身上，要在香港地搵餐好食的晏仔，愈發不容易。