青衣$40拉麵小店 港男食完唔滿意怒斥有打手＋向食環查牌 餐廳下場超慘
廣告
位於青衣長康邨的「木屋小食店」因為其$40抵食大份拉麵而成為街坊名店，更引來不少其他區市民前往幫襯，但近日卻鬧出一場「打手風波」，一名網民自覺被打手欺騙於是憤而向食環投訴該拉麵小店，結果拉麵店下埋超慘，該名投訴人更因此被網民圍攻鬧爆！
青衣$40抵食大份拉麵獲街坊力撐
該拉麵店長期受街坊力捧，因為以這個價錢來說的確非常抵食，不時也有街坊在區內Facebook群組如「青衣街坊吹水會」推薦，而且小店人手及座位都有限，所以店外經常大排長龍，甚至會提早打烊，要吃也不一定吃到，不少YouTuber也有介紹，絕對是區內人氣小店。
港男試食後揚言被欺騙、直斥群組內有打手
事件起因，是因為在群組內，一名港男因為太多街坊都推薦該拉麵小店，於是某天就「喺觀塘畀老婆特登捉過去遊車河食拉麵」，但吃過後卻覺得不外如是，直斥「畀你班打手呃X咗！冇你哋講得咁好，仲搞到我咁X遠身水身汗過去」，更揚言假如再有「打手」推薦此店，就「打去食環署查下有冇牌」，港男此言論更引來老闆親自回覆：「係我嘅錯，我整得唔好食，唔好意思」。
港男不滿被圍攻、坐言起行到食環網頁查牌
對於港男的言論，一眾網民都表示不同意，直言「唔好諗住40蚊食到出面百幾蚊嗰啲心態」、「你自己覺得唔好食係一回事， 憑咩話人哋係打手？」，港男因此被辣㷫，回應「畀你哋鬧完之後， 靈機一觸 」真的去了食環網頁向該拉麵小店查牌，再留言「原來舖頭無申請合法持牌座位」，又指是網民「幫老細申請（被人投訴）」，繼續向網民挑機！老闆見狀也出面回應「點解要搞我呢？」，結果數星期後有新進展！
拉麵店被逼停堂食、網民嬲爆：企喺度食都要嚟
該事件發生在約3星期前，原以為該港男只是說說，但沒想到今日（3月15日），木屋小食店Facebook專業出了一則通告，內容是「由明天起，只可以外賣了（大家知咩事架啦）」，網民猜測可能是港男打去食環投訴小店。不少網民都對港男的行為表示氣憤，直斥「呢個人真係好PK」、「呢條友有心搞事」，同時不少街坊都以行動支持老闆：「呢2日決定要去買下外賣先得」「企喺度食都要嚟」，令老闆非常感動！
圖片來源：Facebook群組「青衣街坊吹水會」、Facebook@木屋小食店
