港女怒插餐廳雞翼太生！一切開驚見粉紅嫩肉 其他網民都中伏：食完屙足5日

港女怒插啟德魚眾不同驚現雞翼刺身！大嗌「我拎俾住院男朋友食㗎」

最近有女網民於網上分享自己早前幫襯啟德的魚眾不同的中伏經歷。事緣她用foodpanda外賣平台柯打了一客滷水雞翼給正在住院的男朋友，明明一打開賣相正常，色澤呈正常啡黑色，但誰知一咬開裏頭竟然是粉紅色，賣相嚇人！

而最重要是外賣雞翼約有3隻，但每隻咬開都是粉紅色，相當驚人，讓事主忍不住發文，更寫下「啟德魚眾不同真係零舍與眾不同，隻隻都咁生」，而文末更大嗌道「仲要我係拎去俾住院嘅男朋友食。

下場僅收foodpanda送$55優惠卷

有網民看到照片後，立即表示應該向餐廳投訴，而事主則表示自己只向foodpanda投訴，平台退回$55優惠卷給事主，而由於投訴當下店舖已關門，故沒有再向餐廳投訴。

網民分享中伏經歷：食過肚屙咗5日！

不少網民看到後，紛紛被雞翼的賣相所嚇怕，更有人留言「壽司」、「雞翼刺身」、「雞翼食落肚你就識飛」、「最新的生食料理」、「生到唔敢放入口」、「隻雞新鮮到可以Medium Rare」、「太過份，咁紅點食」、「食完同你男朋友一齊住醫院」等，形容雞翼實在太過生，而且相信吃完必定會引來生命危險。

另外也有網民認為能夠做到表面熟，但內裏不熟實在很難。有人表示「滷水雞翼其實好難唔熟，啲汁浸都浸熟啦！」、「叮都叮得熟，就算煎都唔會生到咁」、「真心講隻隻都唔熟好難得」，估計是雞翼未解凍後就放入煲煮，但煮食時間又短，才會引致這後果。

這事件發生後，更有人笑言啟德本是新食物沙漠，後來應該改名為啟德垃圾食物集中營。

也有網民分享自己中伏經歷，表示自己曾經試過去其他分店，結果最後肚屙了5日，令自己不敢再試！

資料來源：Facebook群組@「飲食黑店大全 (全港食店質素關注組)」