屯門連鎖餅店蛋糕暗藏碎裂膠片！街坊投訴店家Hea爆回應辣㷫一眾網民｜飲食熱話

Q: 屯門連鎖餅店蛋糕暗藏碎裂膠片過程經過？

事主在蛋糕中發現碎裂的膠片，已拍照為證，向店方投訴，店方卻因為事主沒留下膠片而不受理 ......👉🏻更指出荒唐無比的理由

Q: 網友點睇？

網友批評店方回應無誠意：「毫無誠意的處理態度，阿春先會幫襯呢間嘢」，而且這間餅店早有前科 ......👉🏻更多詳情

Jan 2 2023

食蛋糕本來是開心事，不過食食吓有「驚喜」，真的分分鐘驚大於喜。話說有位網友向Facebook「屯門友」投稿，大呻自己在屯門市廣場一間連鎖餅店中伏，買回來的蛋糕入面竟然有碎裂的膠片，事後向店方反映，店方的回應卻毫無誠意，明言因為事主沒有留下膠片，店方不受理。事件引來各大網友狠批該餅店，並分享自己的中伏經過，原來餅店公關差早有前科！

屯門連鎖餅店蛋糕暗藏膠片

Facebook「屯門友」為各大屯門街坊服務，代街坊發帖，揭透事主在屯門市廣場的餅店中伏經過，事主在蛋糕中發現碎裂的膠片，已拍照為證，向店方投訴，店方卻因為事主沒留下膠片而不受理。內文為：「屯市Donki 嗰層嘅A1 bakery，蛋糕入面有膠片，同門市反映咗，之後再聯繫我嘅人同我講因為我冇留返膠片，處理唔倒+唔會有結果。」

連鎖餅店有位網友向Facebook「屯門友」投稿，大呻自己在屯門市廣場一間連鎖餅店中伏 — 有位網友向Facebook「屯門友」投稿，大呻自己在屯門市廣場一間連鎖餅店中伏（圖片來源：FB@屯門友）

連鎖餅店買回來的蛋糕入面竟然有膠片 — 買回來的蛋糕入面竟然有膠片（圖片來源：FB@屯門友）

連鎖餅店事主吃蛋糕時發現內有膠片。 — 膠片多角度全面睇。（圖片來源：Facebook@屯門友）

連鎖餅店事主發現膠片後拍照為證，但沒有留下膠片。 — 事主發現膠片後拍照為證，但沒有留下膠片。（圖片來源：《幸福洋菓子》劇照）

員工、客服態度差，早有前科！

事主大嘆如果小朋友食到的話，後果可大可小：「好彩係我食倒唔係小朋友食倒，今次係膠片，唔知下次會唔會有其他嘢」。事件引起網友關注留言，一面倒為事主感到不值：「痴線，間野咁都得」、「最攪笑係要留底膠片先可以處理」、「屯門呢間正垃圾，永不幫襯。」、「嘩大哥咁得人驚呀食死人咩相」。

連鎖餅店不少網友都留言分享在該餅店的遇到的激心事。 — 不少網友都留言分享在該餅店的遇到的激心事。（圖片來源：pexels＠Gustavo Fring）

網友批評店方回應無誠意：「毫無誠意的處理態度，阿春先會幫襯呢間嘢」，而且這間餅店早有前科：「A1 真係不了，中過招，聯絡過寸嘴CS，所以永遠不會再買。吃不起呀。」、「我都試過，一拉開個圍邊，成個蛋糕倒塌，之後唔再幫襯。」大家都覺得這間餅店客服好差：「CS覆的答案寸過碼頭苦力啦，所以不了。你好幸運有人同你講聲唔好意思。不過呢間野，真心不了。吃不起。」

連鎖餅店網民批評該餅店的員工和客服態度差，早有前科。 — 網民批評該餅店的員工和客服態度差，早有前科。（圖片來源：《甜蜜事件簿》劇照）

更有人分享激心事：「我就問佢地其中一個職員果個蛋糕幾多錢，佢好唔耐煩咁答我（咪百幾蚊囉）！然後我話（咁姐係百幾）？佢就話（你自己攞個Menu睇）我已經燥燥地同佢講（我唔知你Menu係邊囉）之後佢死死地咁攞俾我睇！佢呢個職員態度真係差到爆」。更有某餅店前員工分享，覺得事件中的餅店「好唔識做」：「咁唔識做架，我之前都試過東海堂蛋糕餅底有奇怪嘢，CS轉頭都即刻call，第二日整番個蛋糕close file啦。搞到報食環就有排搞喇！」

連鎖餅店問價錢都要被人「串」。 — 問價錢都要被人「串」。（圖片來源：Facebook@屯門友）

連鎖餅店網友批評該餅店「唔識做」，分分鐘小事化大。 — 網友批評該餅店「唔識做」，分分鐘小事化大。（圖片來源：Facebook@屯門友）

網友：報食環，有相片就可以報案。

大家覺得事主太「易話為」：「咁好水既，一句耍走咗。」有人建議向食環署報案：「真係報食環好啲，唔好被機會佢哋，再唔係上係哋個官網投訴整間店及重點店員（我認為唔係因為投訴之都係關系到生命）」、「報食環啦，一定攪掂佢」。網民覺得店方回應離曬大譜：「有相為證都話無保留，佢無嘢吖…就攪大佢，報食環報消委會…離譜」。

更有網友理性分析，指出事主不用留有膠片，有相片就可以到食環署報案：「報1823搵食環，唔駛有膠片，有相片都夠做佢，咪俾間嘢呃。」甚至可試試《東張西望》報料：「俾我一定唔放過佢，試下搵東張」，一定要為自己申訴：「咁大件事，一定要搵律師告到賠返幾千先得」。大家又點睇呢？