港男盤點返大陸食嘢6大優點 食物好味又新鮮「大陸侍應當你是係人看待」
港男盤點北上食嘢的6大優點
自從深圳多了大型商場，令港人愈來愈喜愛北上消費，不時都有網友推介往深圳半日遊，指吃喝玩樂選擇多。在社交媒體上不時會見到親朋好友於假日返大陸走走，正因如此，連登討論區有網友以「點解愈黎愈多人鐘意返大陸食嘢？」為題發帖，指自己見有啲朋友/情侶一放假就去大陸覓食，話題引來大家熱議，網民共同盤點了北上覓食的6大優點。
有網民認為大部分大陸餐廳既好吃，又有服務，與香港的體驗存有差異，指港人「以前都唔會返，而家剩係上去食個飯就返落嚟」、「多咗後生仔女上去」。
返大陸食嘢優點1. 服務態度
正所謂「食到一肚氣不如唔好食」，「食嘢」除了食物味道的優劣重要之外，服務態度等體驗同是。連登網民指大陸的服務態度較好，而香港的卻非常惡劣，稱「大陸食肆當你是人看待；香港食肆當客係狗咁X」、「大陸食肆歧視你都唔敢講出嚟，仲會有禮貌對你；香港食肆兜口兜面X你」、「上面比幾十蚊人地當你大爺」、「唔洗加1，服務又好」。
返大陸食嘢優點2. 食物質素
不少網民認為大陸的食物質素比香港好，食物「好平，又新鮮」、「返大陸食平民中菜普遍比香港好食、新鮮」，而香港的食物大多都是從大陸入貨，指「香港同大陸一樣，但大陸平少少」、「香港啲食物又貴又難食」。
返大陸食嘢優點3. 價錢便宜
大陸物價較香港低，網民認為內地「食餐飯起碼平一半，喺上面叫野食真係唔使點睇價錢」、「平靚正，性價比高」。而香港卻「又貴又難食」、「價錢仲要overpriced，一間所謂打卡小店賣個意粉要成$100，2個人埋單成$500，仲要唔好食，好難撐得落手」、「可能香港嘢貴咗，自己收入不升反跌，唯有返大陸玩慳啲錢」。
返大陸食嘢優點4. 空間感
大陸地方空間大，可塑性高，餐廳多數比較寬敞，客人的體驗舒服，網民認為是「土地問題，大部分香港餐廳伸懶腰都可能打到隔離檯」，而大陸「位又夠大」、「餐廳又多又大，相對地平」。
返大陸食嘢優點5. 經營手法
香港餐廳空間多數較細，而本港人口密度高，餐廳大排長龍及限制用餐時間也見慣不怪，網民指「香港比幾十蚊當你狗，限時限刻」、「香港未食完就收X左我個碟」，而「好食d（的餐廳）都排成日」。
返大陸食嘢優點6. 新鮮感
大家返大陸志在可以「出走一吓」，對於香港人來說存有新鮮感，網民指「大陸市場選擇比香港多，又新奇，咁未去多啲囉，深圳可以即日來回」、「（大陸）多選擇，而且賣相係真係吸引既」。
