荔枝角連文記廚師與食客爆衝突 負責人公開CCTV片回應事件

荔枝角連文記廚師叉頸打食客 起因餐飲有曱甴

昨日，有網民以「荔枝角連文記廚師打食客」為題，指昨日（13日）約下午2時多，到荔枝角連文記冰室進餐，途中鄰座食客發現隨餐的奶茶有曱甴，向侍應反映「見到嘢飲有曱甴就想嘔」，而樓主指侍應不單沒有道歉，更拋下一句「咁你咪嘔囉！」，而該名食客嬲到立即離座打算結賬離開時，向收銀稱「欣賞你地品牌先成日食，但今次好失望，估唔到一個道歉都冇」，突然一名男廚師從廚房衝出，對該男子使用暴力。

樓主稱涉事廚師「推個客埋牆！再叉住食客條頸！想摙死個客咁！我同其他食客即刻上前，話再郁手就報警，最終要其他人拉開先停手。然後其他侍應就護送呢個廚入返廚房，呢個時候仲係一句對唔住都無。疑似老闆就過嚟話只係話係小誤會，無咩事。最終食個飯要搞到報警，最好笑係大家都留電話俾受害者，話願意做證人，真係個個都睇唔過眼。警察嚟到，佢哋成班人仲係繼續好串，完全覺得自己無錯」。帖文一出，引來大批網友炮轟食店。

負責人公開CCTV片回應事件

隨後，連文記負責人​​將事發時的CCTV片段上載至社交網站，指該名廚師是其丈夫，她稱當時有男食客反映餐飲中有曱甴，故提出可以取消餐飲，而男子稱「依家你餐廳有問題，我一蚊都唔比」，負責人指「取消你份餐，但成張單取消做唔到啊，你朋友嗰份無問題，而且食哂飲哂」，並指遭到對方威脅「報食環署」，更指該男直不斷「拍枱拍凳，仲企埋起身」，指其老公的行為是保護她，指「就算我唔係佢老婆，係其他女同事，佢都會沖埋去」。另外她澄清一早向對方道歉，「你要成張單取消哂，會唔會過份左呢？」。

警方指昨日下午3時多接報，一名男子稱與餐廳職員發生爭執，朋友被對方叉頸，事件中無人受傷，目前仍在調查事件。

原文截圖：