超市可樂砌到「兩層樓高」港男斥零危機意識反被網民鬧：唔識行路先會撞冧
市民斥超市員工零危機意識「貨品砌到兩層樓高」
該名網民在Facebook群組「北區之友 Friends of North District」發文，稱某天到彩園邨惠康購物，看到超市員工把一排排的罐裝可樂「砌到兩層樓高」，指不知道應該怎樣拿取貨品，更指責對方「有冇危機意識呀？」，又指自己「已告訴經理去正視問題」。的確，從樓主的照片可見，貨品分別是8罐一排及12罐一排的可口可樂，職員疊得相當高，雖未至「兩層樓高」，但最高一行也有17排可樂，以約12cm一罐的高度，最高一層的可樂連底座約有2米多高。
網民斥樓主「正義L出現了」：記得唔好出街呀，會死架
不少網民都認為樓主大驚小怪，指不少超市都會這樣放置商品：「香港人特色，地方唔夠向高發展」；有網民則嘲「正義L出現了」，又指樓主貫徹香港「投訴之都」的名號，這樣小事都要放上網，直斥樓主「你真係麻鬼煩」，又指「無人搞佢，佢唔會跌嫁喎。…人地擺得好地地，你手多無計嫁」、「唔識行路啊？點樣撞冧啊？」、「危機意識？記得唔好出街呀，會死架」，認為樓主過份緊張，笑言「你買走一半，咪唔會跌囉」。
另有網民力撐樓主做得好：砸親人嗰陣時佢哋會正視㗎啦
不過另一邊廂也有網民力撐樓主做法正確，有網民同意樓主說法「真係太高喇，跌咗落嚟好危險」，更指「公公婆婆腳軟路過，隨時死幾件」、「小朋友鍾意週圍走，一撞到就危險」，斥超市員工「無腦又危險」、「其實前方咁多位，放多排都得，做乜要做啲危險嘢出來」，疑惑這樣大的一家超市「冇理由員工冇訓練及了解安全知識」，有網民更直言「砸親人嗰陣時佢哋會正視㗎啦」，更有網民留言「欣賞樓主嘅正義感，唔係一個事不關己，己不勞心嘅人」。
網民笑言「無2米高唔俾買可樂」、超市翌日有改善
也有網民指超市職員這樣做，可能是故意的，笑言這些可樂是「非賣品，眼看手勿動」、「一般矮過2米唔可以買可樂」、「飲可樂冇益，叫你唔好買」，更有網民突破盲點「負責疊的那個員工，好可能係Pepsi派去的卧底」。不過也許是樓主的反映起了作用，有網民之後再去同一家超市，發現2米多高的「可樂塔」已消失，只剩下約12排一行、約1.5米高的貨品，大讚超市有聽意見並作出改善。
