食客怒轟西貢海鮮菜館食象拔蚌遭呃秤 網民踴躍貼圖回應 ：3斤點只咁少

食客鬧爆：呃秤過份到劏客程度！

有食客在Facebook群組「飲食黑店大全 (全港食店質素/價錢/服務關注組)」嬲爆發文指在西貢一間海鮮菜館揀選了2斤十多両的象拔蚌只得每人幾片，「平日兩個人食買斤幾都食到唔食，見9個人食飯諗住叫隻大啲，點知每人得1，2片，有乜可能呀？」，又認為該店家「呃秤過份到劏客程度」，更指向店方投訴只獲不斷重複沒有呃秤，「又話忙，只片到呢啲出黎，其他煲湯，湯嗰度都食唔到咩」，最尾更補上一句「揾笨餐廳！」十分不滿。

其實去年亦有遊客稱光顧同一食肆時，指被取收天價及懷疑被劏，當時店家有開聲回應：內地女西貢食海鮮埋單驚見$21,000！

網民力撐：支持永不幫襯

事件亦得到網民的熱烈回應，並指西貢海鮮一向劏客，「我細個住西貢住到嫁人，從來都唔晌碼頭食海鮮，因為佢地不嬲都明劏嘅」、「入西貢食海鮮，識得人都照擋，如果仲要唔識人，擋到你一頸血。」，有網民留言分享親身經歷指「生猛海蝦變了死爛小蝦，又試過叫了12隻鮑魚，食店厨房出來話得11隻，叫我去問海鮮檔攞返，海鮮檔又話餐廳常常偷和換食材去呃客，死都唔肯畀」，又有網民得知店鋪名稱後，笑言「咁出名嘅X店你都中到⋯」、「哩間野，好多年前試過被佢偷龍轉鳳，生龍變了神仙龍，之後冇幫襯」。

網民貼圖回應：3斤點只得咁少！

亦有不少網民在帖文分享自己在其他餐廳食用的象拔蚌圖片，從圖片可見都比發文食客的份量多！