譚仔叫咩餸代表你係咩人？雞肉、炸醬、墨丸有唔同人格
廣告
譚仔叫咩餸代表你係咩人？相信大家都因為好奇心，而試過做雜誌或者網上心理測驗，估唔到連食譚仔都可以知道自己係咩人？！不過這個心理測驗不是來自專家，而是來自連登討論區，有師兄發帖：「譚仔叫咩食代表你係咩人？」推測食雞肉者，等於冇乜主見；吃丸類似細蚊仔；食豆卜就係乞衣仔？！仲有其他網民加把嘴，分析其他配菜，唔知你又覺得準唔準呢？
連登：譚仔叫咩食代表你係咩人？
食譚仔都可以測試出性格？心理測驗做得多，這樣的真的聞所未聞，無他，這性格推測並不是來自專家，而是來自創意十足的連登討論區。連登有師兄出帖：「譚仔叫咩食代表你係咩人？」並留言「丸類：細蚊仔；豆卜：乞衣仔，覺得吸埋啲湯抵食唔會嘥；韭菜：OL懶健康；炸醬：腎虧毒X；雞肉：冇乜主見」、「腐皮豬潤：社會賢達」有人覺得樓主是神預測，覺得好「中」：「中哂」、「樓主好準」、「雞肉：冇乜主見。準！正評！」並覺得樓主完全睇穿了自己：「好X準啊，你點知我是冇主見毒X的，可摸以做埋個湯㡳俾我？」
網民串爆：個腦跛咗呀？！
有趣在於樓主的帖文在連登頗熱門，負評卻高達800多個，似乎大家睇完都真係得啖笑。當中不乏串爆樓主的留言，如有人問樓主：「豬潤、懶肉，點睇？」樓主答道：「中產人士，尼兩款餸都偏貴」立刻被人串到爆：「X你老母個價咪一X樣，中乜X嘢剷呀？個腦跛咗呀？」。有人回應加飲品就是中產人士，皆因譚仔加飲品都真係幾貴：「加杯凍飲咪當你中產囉」。
男人叫清湯=唔忍得？
不少網民自報家門，報出自己的配菜心水，結果令人笑爆咀：「雞肉豆卜牛丸： 乞兒細路仔冇乜主意」呢個組合都幾可憐下，但又好似好合理咁。還有「炸醬韭菜：腎虧懶健康人妖」嗯…點解會係人妖？另外亦有網民受樓主影響，忍不住要發揮自己的創意小宇宙，也來做個性格預測，包括港女通常會叫什麼：「好多港女鍾意叫雞肉炸醬走九小米，凍檸茶少甜少冰」最爆笑是叫清湯的男人竟然係唔忍得：「男人叫清湯=唔忍得﹐多數得幾秒」叫大辣才是真漢子：「叫大辣先係真漢子」都有人不恥下問，請教大家：「我散叫所有過橋有嘅餸，典睇」網友狠批：「白卡先會做」哈哈哈！大家又點睇？
圖片來源：新假期編輯部、tamjaimixian.com、《歡樂頒》劇照、unsplash、《愛回家》劇照、討論區截圖
