譚仔米線轉菜底竟只得3條菜 阿姐發晦氣「係得咁多！」網民指1款菜最足料
廣告
譚仔米線一向深受港人喜愛，最近有網友在討論區大呻以往在譚仔叫3餸轉生菜底都有「一棵仔生菜」，近日因肚餓叫過橋米線轉菜底，居然只得3條菜，怒轟在譚仔叫菜底等於水魚底！事件在討論區引起熱烈談論，網民紛紛分享食譚仔菜底經驗⋯⋯
網友食譚仔過橋米線轉菜底只得3條菜！
該名網友近日在討論區憤怒開帖「譚仔叫生菜底=水魚底」，指出近日在譚仔叫過橋米線轉生菜底，數完竟然只有3條生菜！
譚仔阿姐：「你轉生菜底係得咁多，我最多俾多2塊菜你」
事主見太少菜，問譚仔姐姐獲晦氣回應：「你轉生菜底係得咁多，我最多俾多2塊菜你。」事主表示見到當刻「以為全世界菜農都失收」，並將此事分享上討論區，力勸各位網民在譚仔不要再叫生菜底成為水魚。
網民力指譚仔菜底一向少菜
原來自譚仔推出米線可轉菜底後，一直都有食客投訴蔬菜數量太少。今次帖文有網民留言指「多謝樓主打左我啲心聲，講真我想投訴好耐」、「另外叫生菜反而好大碟」、「正經加個生菜仲好啦」、「生菜向來都係俾勁少」，引起網民紛紛怒指譚仔生菜底份量特別少。
另有不少網民亦表達在譚仔轉菜底的心得，「經驗嚟講韭菜底最足」、「下次試吓叫芽菜底」、「芽菜底幾飽」、「叫開韭菜底，好多韭」，並告誡事主「叫多個淨菜仲好啦」。
圖片來源：討論區截圖
