譚仔外賣炸醬 「少到不能接受」 網民分享叫餸經歷：三哥好好多｜飲食熱話
廣告
譚仔外賣炸醬1餸 「少到不能接受」？譚仔外賣經常都有驚喜，不過通常都驚大於喜，近日就有谷友在「香港米線關注組」分享一則激心事，帖中相片可見一個膠碗盛著少許炸醬，事主表示到譚仔外賣自取午餐，柯打了一餸炸醬米線，打開卻發現「炸醬少到不能接受。點食呀！」網民紛紛留言，表示碗內炸醬「好似嘔吐物」；有些網民身受感受，分享相同經歷「兩塊生菜等於一個餸？」、「每次都少過上次」；更有三哥Fans拉票「三哥好好多」。
譚仔外賣一餸炸醬 「少到不能接受」？！
疫情關係，外賣成了新常態，網上不時看見網民分享外賣「驚喜」，近日就有一位谷友在「香港米線關注組」分享一則激心事，帖中相片可見一個膠碗盛著少許炸醬，事主發文：「譚仔午飯外賣自取， 嗌一個餸，炸醬少到不能接受。 點食呀！」 網民紛紛留言，有些網民批評其賣相「好似得返層有少少渣啲油咁」、「肯定係炸醬？定係打邊爐食剩D湯底？」、「好似嘔吐物」、「廚餘」；份量太少「係太少」、「已經少，佢唔應該用咁大個兜裝，咁會比人感覺更加少」；有些人分享多過一餸，份量會更少「最唔理解佢哋點解叫多過一餸，就得一匙肉醬，但如果叫一餸，個肉醬就有二匙！每個餸我都要加錢㗎喎」、「勿演都係，一餸有6粒，兩餸或以上就只有4粒，所以唔准人落單後先加餸！」不過事主只叫一餸，份量應該再多點喎！亦有人笑言：「㕑房佬心諗包你有，冇話包你夠，哈哈哈哈」。
網民身同感受，有相同經歷？！
有些網民身受感受，分享相同經歷，原來譚仔「量少」問題很常見，「試過喺鰂魚涌華蘭路譚仔叫生菜做其中一個餸，得兩塊，兩塊生菜等如一個餸？我以後都唔會咁樣叫！」、「我淨食炸醬，但每次都少過上次」、「我嗰日叫外賣用$12叫魚片，點知得兩片，仲要霉霉爛爛」；並有人慨嘆質素每況越下，「我由佢第一間舖喺長沙灣開始幫襯，宜家的譚仔係差咗好多，以前每一碗都係米線同啲餸一齊煮，所以你叫唔同餸個湯底會有唔同味，好好食，宜家就啲肉有幾薄得幾薄，份量又少。」
三哥真係好啲？
當中亦有留言對比譚仔及三哥，並有Fans幫三哥拉票，「都係三哥好D」 、「三哥起碼多一倍」、「所以改食三哥，單餸炸醬，係勁多！」、「三哥好好多， 3 個餸都可以好多炸醬」，有同道中人立即力撐回應：「真係差唔多半碗我果次，完全食唔哂」。唔知大家又點睇呢？
圖片來源：香港米線關注組截圖
