港男隔4年再食譚仔米線控訴質素不如以往超失望！網民意見兩極

港男投訴譚仔米線份量味道不如以往！

譚仔米線是不少港人的最愛，分店遍佈全港，每到午餐時間更有不少打工仔幫襯，經常爆場！而最近有港人於Facebook「香港茶餐廳及美食關注組」群組分享自己吃譚仔米線的經歷，從食物份量、味道及價錢等3方面控訴質素不如以往！

這名男生指自己至少有4年沒有品嘗譚仔米線，而近日是隔多年來再次幫襯，但就指其份量比以往少了很多，「以前我食一個譚仔米線，三餸，我係食唔晒呀！」，但現今的份量太他大呼不夠飽，「食完好似冇食過嘢咁」，更指之後要再去麥當勞吃個漢堡包填肚。事主另再狠批譚仔米線味道嚡口，沒有以往的滑身，因此猜測店家應是轉了來貨。 最後再指米線價錢貴了，怒轟：「50幾蚊真係咪鬼食佢啦」。

網民超有同感！

不少網民都表示有同感，甚至認為譚仔米線的品質有所下降質素有變，「份量細咗好多，以前好大碗」、「縮哂水==」、「佢隻米線唔好食呢個真」、「越嚟越少量及差……」、「完全同意。。。咁嘅價錢去茶記起碼可以填飽個肚」。另外有網民替餐廳反駁，「譚仔仲係好好食喎」、「佢個麻辣湯底冇得輸」、「冇邊間及得上譚仔」、「譚仔世一」。亦有人撐餐廳指香港物價上漲，餐廳來貨成本也貴了，價錢、份量有所調整也屬正常，「其實間間都有加價，通貨膨脹都冇計」、「香港食飯一向都貴，邊間都一樣」。