觀塘XX冰室指服務態度惡劣 食客未食完竟被侍應催交枱 網民齊聲譴責:等執啦
咖啡飲一啖 被侍應即催交枱
帖文中,該名食客描述,當天早上11:28落單,約10分鐘後,兩份餐點送上。就在他們用餐時,女侍應在11:55要求他們離座,將座位讓給其他顧客。帖文指出,當時餐廳門口只有兩人在等位,然而侍應仍堅持要他們讓位。該食客表示,自己和朋友對此感到非常不滿,但因不想與侍應爭論,便選擇離開,並表示不會再光顧。
「我們入座後已即刻落單,女侍應11:28落單,食物10分鐘後先上晒我們2份餐,吃完餐咖啡只飲了1啖,個女伙記走過來叫我們起身讓枱比其它客人,嗰時係11:55 am, 門口當時只有2人企响度,有冇咁差,個餐未上齊追佢就叫人等等,有人企門口就叫人起身讓返張枱,雖然係茶記但都唔係差成咁,我前面將枱由我入去坐到我走佢已吃完傾計就唔見佢叫人起身,幫襯咗咁耐,咁差的侍應,唔會再幫襯。我們呆咗唔識好似其他朋友咁叻識話返個侍應,因為已唔想再同d咁差侍應說話,兼且再座亦冇意思,我們知道自己唔再去仍然大把人再去吃,只是想呻吓,星期日只想休息吓都要我趕猴趕命,網上朋友雖然提意想chill就咪去吃茶餐廳,我就係喜歡吃港式早餐,Anyway下次去第間。」
帖文惹網民有同感:一山還有一山低
這則帖文迅速引起了其他網民的共鳴,留言紛紛批評此冰室的服務態度。有人調侃道:「邊個仲敢講澳牛服務態度差?一山還有一山低」,另有網民諷刺:「香港係趕客之區,食餐飯都唔安樂。」更有網民分享了自己在該餐廳的經歷,質疑食物質素,並聲稱曾因食用微波爐加熱的煎蛋而感到不適。
![觀塘 冰室 服務態度 有人調侃道:「邊個仲敢講澳牛服務態度差?一山還有一山低」(圖片來源:FB@香港茶餐廳及美食關注組)](https://imgs.weekendhk.com/wp-content/uploads/2024/08/screenshot-2024-08-11-at-9.08.33-pm_3595323366b8b7d81afa4-1024x677.png)
其他網民留言:
- 「今夕『紅茶』歸故土,他朝『X城』也相同」
- 「未飲完讓乜X啫?咁都唔XX個女侍應?」
- 「依間野,仲有你叫早餐,佢的所謂煎蛋其實唔係真係煎,係用微波爐叮出嚟,送到黎仲水汪汪,仲生過太陽蛋!你教下我點”煎”到咁生? 食完果朝一定肚痛,唔係一次半次,所以已經冇再幫襯!」
- 「香港已經發展到茶餐廳有禮貌你先驚」
- 「又話香港D餐廳冇晒生意執晒笠?咁嘅服務都爆滿喎」