LIFETASTIC西餐外賣港男大呻：$148盒份量少到似廚餘小朋友都唔夠食

Mar 10 2023

LIFETASTIC西餐外賣份量少得可憐，堪比廚餘？！近日有港男在Facebook大呻中伏，事沿事主到將軍澳一間西餐廳買外賣，柯打了3份套餐，每份索價$118起，誰不知回家打開飯盒，份量少得可憐，其中$148的帶子意粉只得2粒帶子，事主大呻：「阿仔（11歲）都話唔夠食。」事件引來網民同情，紛紛分享中伏經驗，另外事主在相片中做了一個動作，竟意外獲得網民大讚，究竟是什麼呢？

過百西餐份量少得似廚餘

香港物價高企，西餐索價過百絕不出奇，但如果份量少得可憐，堪比廚餘，確是令人「谷氣」。近日有位港男就在Facebook「將軍澳主場」分享中伏過程，事主在一間位於將軍澳的西餐廳買外賣，從上載的餐牌可見，套餐包一個主食及飲品，索價$118-$148，而事主一口氣柯打了3個餐，回家打開飯盒，才發現每個主食的份量都少得驚人！

外賣的飯盒很深，但內裡的意粉和意大利飯只佔薄薄一層，不到飯盒高度的五分之一。事主嬲爆發文：「其實你收貴啲唔緊要，問題係小到好似廚餘咁就好離譜！(可能廚餘仲多過佢）唔夠食好尷尬。」其中索價最貴，價值$148的招牌明太子蟹肉北海道帶子意大利麵更只得2粒帶子：「平時有三粒帶子，今日剩返兩粒！所有野少得可憐」大嘆連小朋友都覺得吃不飽：「阿仔(11歲)都話唔夠食，我只係食咗一啖飯，佢竟然問我可唔可以清咗佢…..我當然話可以啦」。

西餐外賣份量少 LIFETASTIC 事主在Facebook大呻過百外賣套餐份量太少。 — 事主在Facebook大呻索價過百外賣套餐份量太少。（圖片來源：Facebook＠將軍澳主場）

西餐外賣份量少 LIFETASTIC 從Menu可見，套餐由$118-$148。 — 從Menu可見，套餐索價$118-$148，不算便宜。（圖片來源：Facebook＠將軍澳主場）

西餐外賣份量少 LIFETASTIC 外賣回來，非堂食。 — 從LIFETASTIC外賣回來，非堂食。（圖片來源：Facebook＠將軍澳主場）

西餐外賣份量少 LIFETASTIC 當中最貴的帶子意大利粉，盛惠＄148，只有2粒帶子。 — 當中最貴的帶子意大利粉，盛惠＄148，只有2粒帶子。（圖片來源：Facebook＠將軍澳主場）

西餐外賣份量少 LIFETASTIC 飯盒盤深，顯得飯量更少....... — 飯盒盤子很深，顯得飯量更少…….（圖片來源：Facebook＠將軍澳主場）

西餐外賣份量少 LIFETASTIC $118的套餐意粉。 — $118的套餐意粉。（圖片來源：Facebook＠將軍澳主場）

西餐外賣份量少 LIFETASTIC 木叉插下去，可見非常淺。 — 木叉插下去，可見非常淺。（圖片來源：Facebook＠將軍澳主場）

事主更在文末標註hashtag「#由你早年開始賣西瓜蛋糕就幫襯 #而家為錢開舖頭放棄質素 #我老婆拎返嚟嗰陣仲話點解咁輕」。事件中的餐廳以賣西瓜蛋糕起家，是香港著名的西餅店，及後擴展業務開西餐廳，事主似乎覺得店子分店雖然開得多，質素卻每況越下，更忍不住在帖文相片中大舉中指，以洩心頭之忿，引來網民激讚：「隻中指好有feel」。

西餐外賣份量少 LIFETASTIC 一連3個套餐，份量都是如此少，事主終於要「爆」啦，忍不住要舉中指。 — 一連3個套餐，份量都是如此少，事主終於要「爆」啦，忍不住要舉中指。（圖片來源：Facebook＠將軍澳主場）

西餐外賣份量少 LIFETASTIC 網民大讚事主舉中指「好有feel」。 — 網民大讚事主舉中指「好有feel」。（圖片來源：Facebook＠將軍澳主場）

網民：「細份過兒童餐」

帖文引來大批網民關注，大部份都好同情事主，覺得價錢和份量不成正比：「成舊水，得甘小，唔係呀？」、「痴線，細份到咁」、「輕食下午茶都多過佢」、「啜兩下已經無」，餐廳用上如此大的飯盒有點自取其辱：「咁要咁大個外賣盒黎做乜，訂個細d成本又平d，又無咁肉酸，咁細收人咁貴。」大家覺得份量比兒童餐細：「細份過兒童餐」、「我女3歲時食果碗飯都大碗過佢」、「兒童減肥餐再少飯少麵」。

不少人覺得根本一開始就不會幫襯：「嗰個咁既位置收咁貴已經就唔得喇….個個搭電梯都睇緊你食咩」，這個價錢有大量其他選擇：「同等價錢可以更高質素，完全唔需要食依間鋪，依間鋪等執笠啦。」覺得根本連蛋糕都不好吃：「本身蛋糕已經唔好食，唔明點解可以開咁多分店，替 Crostini 唔抵」份量太少，餐廳永不錄用：「啲意粉好貴咩，1呢啲9唔搭8餐廳，做一次蠢人就夠啦，可以永續不再幫襯」。

西餐外賣份量少 LIFETASTIC 網民普遍同情事主，覺得相中西餐份量細份過兒童餐。 — 網民普遍同情事主，覺得相中西餐份量細份過兒童餐。（圖片來源：ViuTV《大叔的愛》截圖）

西餐外賣份量少 LIFETASTIC 餐廳Facebook的外賣宣傳照，飯盒都是盛得滿滿的，和事主的相片相去甚深，不知宣傳照是否多人份量呢？ — 餐廳Facebook的外賣宣傳照，飯盒都是盛得滿滿的，和事主的相片相去甚遠，不知宣傳照是否多人份量呢？（圖片來源：Facebook@LIFETASTIC）

西餐外賣份量少 LIFETASTIC 網民目測意大利飯的高度只有3mm。 — 網民目測意大利飯的高度只有3mm。（圖片來源：Facebook＠將軍澳主場）

西餐外賣份量少 LIFETASTIC 事主揸車買外賣，回到家想換都山長水遠。 — 事主揸車買外賣，回到家想換都山長水遠。（圖片來源：Facebook＠將軍澳主場）

西餐外賣份量少 LIFETASTIC 物以小為貴？！ — 物以小為貴？！（圖片來源：Facebook＠將軍澳主場）

西餐外賣份量少 LIFETASTIC 大家都覺得份量太少。 — 大家都覺得份量太少。（圖片來源：Facebook＠將軍澳主場）

網民分享中伏經過

不過亦有網民好「睇得開」，覺得價錢貴好正常：「無計，過完農曆年，好多食市都加哂價，無加果D，就缩哂水」覺得該餐廳是食「環境」：「有啲舖頭真係要堂食㗎~因為環境同氣氛會飽肚㗎！」位於將軍澳這個美食沙漠，無啖好食實屬正常：「將軍澳冇嘢好食，就不嬲都係㗎啦」。更有不少人以長文大呻自己在該餐廳的中伏經驗：「呢間野勁on9……confirm左我係3百幾蚊但過數過左4百幾蚊點解係我問題？！黑店無誤！」、「上次去買蛋糕先嬲，訂個蛋糕用左我十幾分鐘……到拎蛋糕個日，個生日牌無寫定準備好……又要我等十幾分鐘話要雪下個蛋糕先，咁我預訂來做咩？勁差啲服務」。