蛋包飯賣$80食水深？網民：成本$10唔駛同價食到京都神級蛋包飯｜飲食熱話

Nov 11 2022

連登仔批評$80蛋包飯食水深！香港外出用膳食個午餐，每人動輒都要一百蚊埋單，有網民近日在討論區以「成本論嚟計蛋包飯算唔算食水最深嘅菜式？」為題發文，指「畀盡你4隻蛋，每隻$0.5 x 4 = 2蚊；飯：畀盡5蚊，汁：畀盡1蚊」，認為「一個蛋包飯成本10蚊唔洗，收你80蚊不等」，以此推斷食肆有賺到盡食水深謀暴利的嫌疑。

網民指$80蛋包飯食水深 VS 湖北蛋都唔止五毫子隻

在連登討論區不時會有帖文批評香港食肆收得貴但食物水準強差人意，有網民在連登討論區以「成本論嚟計蛋包飯算唔算食水最深嘅菜式？」發表帖文，試圖分析餐廳投入的成本，批評香港吃到的蛋包飯「成本10蚊唔洗，收你80蚊不等」，以此懷疑蛋包飯是食水最深的菜式。

$80蛋包飯食水深？網民認為一個蛋包飯成本10蚊，但索價80蚊，食肆有謀暴利的嫌疑。（圖片來源：新假期編輯部）

蛋包飯有網民指「出去食根本就係幫人出糧，交租交雜費，好食既話已經係bonus」。 — 有網民指「出去食根本就係幫人出糧，交租交雜費，好食既話已經係bonus」。（圖片來源：新假期編輯部）

帖文一出既惹來網友熱烈的討論，雖然有不少網友讚同樓主的意見，表示「香港地無咩食肆唔食水深」，卻有更多網友圍攻樓主成本論片面，「你仲未計時間成本、人手成本、運輸成本、燈油火蠟、租間鋪成本、請人成本呢呢啲全部唔計？」、「湖北蛋都唔止五毫子隻啦」、「食米唔知米貴囉，咁叻自己煮啦，今時今日，仲可以 5毛子買到一隻蛋？街市買半排蛋 15隻 $19蚊」、「唔駛人工、租金、水電煤、成本利息雜費？不如樓主自己開一間舖頭睇睇？」並指樓主「睇唔過眼咪去食啲性價比高嘅囉，再唔係自己整囉」。