薩莉亞由即日起不再供應免費芝士粉 食客大力聲討：還我芝士粉！

薩莉亞2大原因不再供應免費芝士粉

早前薩莉亞餐廳宣布鑑於食材的衞生管理安排及原材料價格上升，因此由即日起將停止供應免費芝士粉，客人若有需要可加$5享用。

網民一片哀嚎：為咗芝士粉先食！

不過，有網民紛紛不滿意新安排，「我就係為咗芝士粉先嚟食嘢…」、「食意粉、pizza 跟芝士粉係正常，唔跟比客係你哋唔專業」、「其實如果點意粉同Pizza應該跟反一份」、「痴線，咁你落唔夠芝士粉，咁我問邊個攞返嗰5蚊」，亦有大量網民表示若沒有芝士粉將不會再食薩莉亞，「芝士粉都縮皮，即係少幫襯」、「你收錢吧，我不再食」、「無芝士粉可以唔黎了，食意粉要芝士粉要加錢，咁你不如直接係Menu度加啦」。有人就同意收費購買芝士粉，但就覺得一小包要五元太貴，兩元才合理，「寧願你每樣加番1-2蚊，比番芝士粉我」。亦有網民批評芝士粉一包份量太少，暫時會拒絕光顧。

有網民就指餐廳應要提升服務及食物質素，而非將食物加價，「你地每樣嘢加幾蚊，食物質素提升返服務好啲好過喇」、「反對芝士粉及茄汁收費措施，希望薩利亞管理層聽取客戶意見，取消有關決定」、「 作為大企業係咪應該要聽下顧客聲音？茄汁又收，芝士粉又收」、「你餐廳有幾樣嘢冇芝士粉完全唔係嗰回事，我寧願你加價都好呀，呢個措施根本因小失大」。

傳因日本人拍TikTok惡搞而受影響

不過，事出必有因，有網民就發現，先前在社交媒體上流傳一段影片，發現日本有顧客在薩莉亞用餐時，把好幾罐芝士粉的蓋子整個掀開，整罐全部倒光，因此有人推測，薩莉亞可能是為了避免類似情事再次發生，防止有人仗著芝士粉不用錢而做出浪費食物的行為，才會做出此決策。不少人看到片段後都聲討當事人，另外，亦有人表示，見過顧客刻意浪費芝士粉，行為導致其他人無法享用。