中環蓮香樓原址重開 網民熱議：有冇改善以前嘅問題

網民力數蓮香樓3宗罪

在港開業97年，經歷過停業、易手再於2022因疫情宣布結業的老字號蓮香樓，近日宣布重開，並已經在4月1日原址「復活」，雖然今次重開與前任經營沒有關係，但卻重新聘回一班舊員工及點心師傅，重現昔日最令人懷念的舊式風味。不過，有網民就認為以往的蓮香樓有3大罪，根本不值得再次光顧，今次重開有沒有改善這些問題呢？

1. 環境污糟邋遢，地下黐笠笠

蓮香樓以懷舊風味吸引不少本地人及遊客光顧，不過網民指其實蓮香樓亦出名「污糟」，地面「黐笠笠」，餐枱下的痰罐雖是傳統特色，但卻被認為十分骯髒，而店內的廁所亦被指漏水環境差。

今次重開後，就有網民驚喜表示地面乾爽，而裝修看似沒有大分別，「光猛了很多，枱椅都換晒，冇咗以前咁污糟」、「比我想像中好，地下係乾嘅」，廁所亦進行翻新，「廁所用水磨石裝修整靚咗」。

2. 服務差、拎點心要搶嘢食

由女侍推懷舊點心車是蓮香樓的重點特色，在香港是買少見少，不過有網民就指有不少食客都在點心車出口等待，點心車一出便要與其他客人一窩蜂搶食物。有不少網民亦指蓮香樓的舊伙記態度很差，「啲樓面仲巴閉過你」。

今次雖大多聘回舊員工，不過有網民指服務得到改善，「D阿姐好主動，企堂又風趣，當日有好嘅體驗」、「茶博士笑容滿面，年青老闆(估計係)有時仲幫茶客搵位，幫手執枱」。

3. 食物水準一般

有網民指蓮香樓的點心很一般，「非常粗燥，有些甚至是蠻難吃的」、「真係唔算好食喎，係得個平」。

今次重開，網民大讚食物比以前好吃，「蓮香的點心都是新鮮的」、「最好食係蝦餃，我覺得甚至好過某啲米芝蓮酒店中菜廳」，不過可惜有些點心比較差，「蓮蓉包竟然無蓮蓉！」。

蓮香樓推蓮香茶手搖

蓮香樓今次最吸睛的一點就是與時並進，將樓下以往的糕餅店改成賣茶飲店，吸引不少客人光顧，並大讚好飲，「杯嘢幾好飲，起碼一定好過啲咩鮮檸茶先」、「初嘗蓮香茶感覺和茉莉奶白有些相似。不過茶葉據說是老板自己挑選的還挺濃郁特別。」

蓮香樓不是蓮香居！

另外，今次重開有不少人以為蓮香樓是上環的蓮香居，其實兩間有所分別，而且蓮香居今年已經易名做「六安居」，各位有意幫襯就不用再怕混淆了！