網民問葵涌廣場仲算唔算窮人恩物？ 推介4大平到爛食店
網民慨嘆：葵廣不再是窮人恩物
樓主發帖大呻葵廣今時唔同往日，已經不再是窮人恩物，發文：「以前學生時期掃次街50蚊樓下搞掂。 家陣啲小食下下40、50蚊，食個布甸食個牛角包都50蚊，掃次街都成幾百蚊，得果2間果汁仲賣緊十蚊杯」網民無不讚同：「掃街而家貴過就咁搵鋪頭食啦」掃街分分鐘要幾百蚊：「芝x味一杯野飲都就$50（但好飲的） 加下啲小食已經$300-400 」不少人想平的話，寧願吃老麥或爭鮮：「葵廣貴過30蚊都on9，我落地鐵站買爭鮮，或者魚蛋燒賣仲抵x」、「依家葵廣30蚊樓下應該都冇咩選擇，珍珠奶茶都唔夠」、「冷麵食飽都要挨近30，仲未計杯芒椰奶西(大)」。
回憶平靚正歲月，幾蚊杯果汁
網民禁不住回憶以前的光輝歲月，是何幾平靚正，真的3蚊就有杯果汁：「 以前三樓芒椰奶西先$3.5咋」、「 4蚊係西瓜汁」不過都是十多年前的事了：「年齡暴露， $3.5係十幾年前」章魚小丸子也不過10幾蚊，不過日之船己經結業了：「以前人流少就算係 十幾蚊有日船 依家見到果幾間食章魚丸，成40蚊盒，又細粒」當年冷麵也是平到不可置信：「以前冷麵10蚊11包就話抵食姐，依家一包都成5蚊，得果幾片料，真係呃水魚」。
有網民覺得原因在於現今舖租太貴：「日X日、個X個都係到吹奏葵廣，人流旺到X街，啲舖租就加到X街，最後啲灣咪愈來愈貴囉，以前靜靜地無咩人知，都唔知幾X好行」通脹也是原兇之一：「2023都嚟緊啦，通脹搞到啲野貴哂 乜都加係人工唔加。」
網民推介葵廣平民店：
1.鮮果園
留言不斷提到其平靚正果汁：「10幾蚊買到杯果汁好抵X啦」、「3樓果汁舖屹立不倒」，其芒果系列就最歡迎，就算現在已加了價，一杯芒椰奶西也不過$11，對比現今動輒都要$30多的珍珠奶茶，真的是平到爛。
地址：葵芳葵富路7號葵涌廣場3樓摩登世界29號舖
2.百味食品
雖然無$1/包那麼平，但是現$3/包，也算很抵食了：「最頂嗰間冷麵都仲好抵$3一包都仲係keep到以前平價。」
地址：葵芳葵富路7號葵涌廣場3樓3075號舖
3.Yummy Mummy
傳說中的「埋嚟試雪糕」，因老闆娘經常叫賣：「歡迎試食埋嚟試吓味呀，歡迎試雪糕。」而得名，大家都覺得這間最平，是良心價：「仲有良心價埋黎埋黎試雪糕」、「加咗價，但仍然係最平」。
地址：葵芳葵富路7號葵涌廣場3樓3158號舖
4.回味無窮
港式小食方面，大家推介位於2樓的回味無窮，有魚蛋、燒賣、撈烏冬、印尼撈麵、糕點等，「而家仲有無燒賣魚蛋飯，以前食好似15蚊到」、「係咪2樓果間回味無窮」、「平日食開個兩餸烏冬撈 $16」。
地址：葵芳葵富路7號葵涌廣場2樓C83號舖
