港人票選掃街熱點葵廣 vs 太安樓！意見一面倒 網民列5點激讚呢個場完勝

港人票選掃街熱點葵廣 vs 太安樓

有網民就在連登討論區以「葵廣 vs 太安樓」為題，發起一個投票，該大家投票「唔係計環境，計食物質素」的話，葵涌廣場和西灣河太安樓哪一個地方更吸引，結果葵涌廣場以 1,633票完勝只得 79票的太安樓，有網民甚至直言「太安樓唔入流」、「冇得比喎，葵廣多太多嘢食」、「太安樓印象似重慶大廈」，以下綜合網民5大意見，看看葵廣如何完勝太安樓！

葵涌廣場5點完勝太安樓

1.葵廣食物種類比較多

不少網民都指，葵廣本身面積較大，自然能容下更多食店，因此在食物總類方面是完勝太安樓：「冇得比喎，葵廣多太多嘢食」、「葵廣真係好多嘢食太安樓冇」、「港式小食，其他特色都有，咩菜式都有，台式飲品好多選擇」。

2.葵涌廣場食物較抵食

而除了食物選擇多，葵廣也因為競爭大，所以也有不少便宜的食物，最經典當然是$12就有5球的雪糕；相反太安樓的小食價位近年已不算低，例如非常有人氣的海南雞飯，已經由當年的$2x加到$4x，已經不算抵食了。

3.葵廣有冷氣已經完勝太安樓

而兩個地方最大的差別，有網民認為是冷氣！有去過太安樓的都知，入面完全感受不到冷氣，加上不同食店湧出的煮食熱氣，夏天去相當辛苦，因此有網民也留言指「太安樓冇冷氣」、「太安樓仲要又熱又暗又焗」，「兩個檔次：葵廣幾層、有冷氣、隔離新都會，冇得輸啦」。

4.葵涌廣場環境較乾淨：太安樓廁所勁恐怖

除了冷氣問題，環境衛生也是一個重要因素。有網民就以廁所作例子，指「太安樓個廁cls，個樓底高到，又殘又舊好似拍鬼片咁」、「覺得太安樓好X污糟，好似後巷咁」、「尤其佢(太安樓)個廁所，真係世界級」，而另一方面，網民認為「葵廣有地理優勢，廁所唔駛靚，啲人會走過隔離新都會廁所」。

5.葵廣交通較方便

最後一點，有網民認為就地點而言，葵廣較有優勢：「太安樓呢啲山旮旯地方」、「新界東同埋住九龍既都仲有唔少人會去葵廣，但真係唔會特登去西灣河囉」，有網民甚至認為只了住太安樓附近，沒有地方可以買宵夜才會被逼去太安樓。

太安樓也有優點 網民指另一地方更值得去

不過也有網民認為太安樓也有其優勝之處，有網民就認為「葵廣多種類多選擇，但質素參差；小食比較多正餐選擇比較少」，而太安樓就「選擇少，但多數都高質，同埋有多啲正餐飽肚選擇」，輕鬆俘虜食量較大的人；也有網民指出還有另一競爭對手：「係比都比旺中啦」，網民認為晒中也是掃街大熱，而且與新型商場如新都會、TOP連接，比太安樓更值得去，大家又覺得呢個才是「掃街天堂」？