華爾登餅店收到食客電話投訴好難食 店主高EQ回應獲讚

華爾登餅店收到食客電話投訴好難食：「人生裏面食過最難食嘅蛋糕 」

西環老字號麵包店華爾登餅店憑著搞鬼、貼地的風格爆紅，其可印上個人化字眼的散水餅、月餅等新品一直以來都獲得眾人的喜愛！不過最近店舖就於社交平台分享了一單被投訴的不愉快經歷。事源某天店主收到了一通投訴電話，該名食客開門見山就質問店主：「啲蛋糕係咪俾人食嘅？」、「點解可以咁難食？」，更直指是他一生裏面食過最難食的蛋糕，更向店主問道：「你幾時執笠？」。面對食客的無理指控，店主當刻很冷靜地回應對方：「最難聽嘅說話我都聽過 ，我已經唔介意」，更反問對方：「需唔需要退款？」，不過該名食客回應指不需要，但又再反映指在食蛋糕途中食到火酒味，更質疑「唔知會唔會食壞人」。

店主其後指該名食客來店舖購買蛋糕時已經行為古怪，因此令他印象深刻，所以對他的投訴不感到驚訝！奈何怕有人惡意搞事，所以都逼不得已要出post澄清真相。店主強調指店舖所有照片都沒有經過調色或加工，更坦白表示店舖頭雖不是真的用日本麵粉及法國牛油，但至少是真材實料！

店主回應：

你問我幾時執笠

我又想問吓我爸爸媽媽屹立咗間舖頭40年。
其實唔係真係用把口講
你如果係真係要洗百零蚊玩嘢嘅話我勸你真係連嗰百零蚊都唔好用，你直接過嚟同我親自對話就算啦
佢話我唔接受意見
其實我點會唔接受意見
唔鍾意食嘅人有一堆 鍾意食嘅人都有一堆
我都講咗好多次，如果覺得唔啱口味嘅，我哋會加緊改進
但我真係冇辦法，次次都可以做得到你認為你真係覺得最啱嘅口味
不過平常心 我只係驚佢玩嘢啫，所以我先出post
其他page嘅說話我已經唔再擺喺心

店主高EQ回應獲網民激讚！

此事獲得一眾網民的關注及留言，而網民都一面倒力撐店主，更激讚其回應EQ高及夠霸氣！不少網民指該食客擺明故意搞事：「咁講似係有心攪事喎」、「呢的根本專登發癲借題發揮，唔好理佢」，紛紛勸店主不用應理該食客的投訴：「你please唔到全世界，口味嘅嘢百貨應百客，唔係有食安問題嘅話，唔鍾意咪bye bye」、「總有人係喜歡無風起浪，做好咗應該做，話知佢發噏風」、「呢啲無聊人睬佢都嘥氣啦」、「唔好嘅客人就由他去吧，因為一件貨係唔可以應對到所有客人嘅，盡量滿足喜愛自己品牌嘅人先係您嘅目標，加油喔」、「發神經，唔駛理佢！」。