舊食客5大控訴變質 華嫂冰室「食唔返以前嘅味道」網民慨歎：食譚仔好過！

舊食客指華嫂冰室變質「食唔返以前嘅味道」

日前有網民在Facebook群組「食在元朗」分享自己早前光顧華嫂冰室的經驗，樓主指當日是下午茶時段去，點了豬扒酸辣通粉，指「豬扒好大件味道都幾好」，但就認為「湯底得個辣，無香料味怪怪地，只有莞茜味」；餐飲的奶茶也「好滑但沒有茶味」；另外樓主還點了一碗魚肉米粉，稱煎魚餅都可以，但湯底同樣出事，「魚肉及湯得個咸字」，更指米粉像沒有煮過，只是「浸淋加湯上的」，認為「完全食唔返以前舊店味道」，唯一保有水準的就是差勁的服務態度，覺得「現在有流水作業感覺，暫時不會幫襯」。

網民慨歎「回不去小店模式」：食譚仔好過

有網民看完樓主貼文即表示有同感，直言覺得華嫂冰室「越做越差」，慨歎開多了分店的華嫂冰室「回不去小店模式」；也有網民指出「其實舊店服務態度都已經好差，食物亦都唔係特别好食」，又指華嫂冰室是「老人家懷舊，年青人打卡。對食物有要求的，絕對唔會去食」，更有網民留言「老實講！食譚仔好過」。

不過也有網民不同意，留言指「我上星期先去完,又唔覺得佢變到咁差喎」、「我覺得佢啲食物係有佢嘅特色，有別於一般茶餐廳嘅！啱我條脷啦」、「間唔中都會去食，味道係比一般茶記好」、「各人口味唔同，我鍾意佢個好多芫荽嘅冬蔭功湯底，豉油雞翼都好食」、「味道同舊鋪果陣無咩分別」，認為華嫂冰室食物質變沒問題，更有網民笑言「你哋唱衰啲仲好，鍾意去嘅客人唔洗等咁耐」。

資料來源：食在元朗