荃灣放題中伏 食客怒數煉獄級3宗罪！刺身霉 齋飲維他奶醫肚｜飲食熱話

荃灣日式放題中伏 食客怒數煉獄級放題：漏單上菜慢＋刺身霉＋食唔飽

該名網民日前於fb群組「自助餐/放題/飲食/酒店優惠情報分享」發文表示，與家人於母親節當日幫襯荃灣一間日式放題店，「入座唔洗3分鐘點完第一round」，但點餐後等足「45分鐘食到幾件霉既嘅刺身，狂飲緊維他奶」，直言出菜慢到嘔，「依家有嘢嚟食我都滿足」，怒斥餐廳完全不夠人手應付客人，力勸谷友「快閃，除非你好鍾意維他奶放題」，聲言今次中伏經歷是「血的教訓」。

中伏苦主集合：得個景靚冇其他優點

一石激起千重浪，此帖一出即激起同命相連的中伏苦主留言 ，有人形容此放題為「地獄級」經歷，「星期六食完，從未食過一間放題咁差，叫咩都話無，海膽手卷赤蝦刺生叫一次就售完，拖羅薄到好肉酸，帶子刺生好似貝柱咁細」、「上星期都試左，都係好麻麻，選擇少，嘢食份量都真係好好細件」，不少網民則指該間店「得個景靚冇其他優點」、「呢間真係好垃圾，個場又污糟邋遢」，同時指出「呢間出咗名伏」，不少訂了位的網友紛紛表示要取消訂位，免得中伏。

不過也有吃過該放題店的網民為該店平反，表示以往並無問題：「上星期先食完！好彩無樓主嘅問題，食物就一般般啦但真係食得飽」、「呢兩日母親節同紅日唔夠人手一定冧檔」。