茶餐廳指定師傅炒菜另加$20？！網民紛紛召喚心水師傅｜飲食熱話

Aug 24 2022

茶餐廳指定師傅另加$20？髮型屋搵指定師傅剪髮就聽得多，茶記也能找指定師傅炒菜真的未聽過！近日就有網友在「扮工室Online」Facebook群組發文，上載了一張茶記餐牌，在一眾小菜圖片下面，列明「指定師傅加廿蚊」，樓主笑言：「去咗髮型屋」。帖文引起網民熱議，更發揮創意，召喚心水師傅，包括「田味吉」及「李錦聯」，連外國名廚都榜上有名！

茶餐廳指定師傅另加廿蚊

去髮型屋恤個靚髮，為明哲保「髮」，不少人都會寧願加錢，搵返相熟的指定髮型師操刀，現在竟然有茶記不讓髮型屋專美，都可以加錢找指定師傅炒撚手小菜。近日「扮工室Online」Facebook群組就有網民發文，分享這件趣事，上載了一張茶餐廳餐牌，除了一貫的「凍飲加$3，外賣加$2」外，更列明「指定師傅加廿蚊」，令樓主笑爆咀：「去咗髮型屋」及在圖片中註明了靈魂一問：「點知邊個師傅好食」。帖文留言及轉載熱烈，掀起網民熱議。

茶餐廳在一眾小菜圖片下面，列明「指定師傅加廿蚊」，樓主笑言：「去左髮形屋」。 — 在一眾小菜圖片下面，列明「指定師傅加廿蚊」，樓主笑言：「去咗髮型屋」。（圖片來源：扮工室Online群組截圖）

茶餐廳樓主在圖片中註明了靈魂一問：「點知邊個師傅好食」。 — 樓主在圖片中註明了靈魂一問：「點知邊個師傅好食」。（圖片來源：扮工室Online群組截圖）

茶餐廳去髮型屋恤個靚髮，為明哲保「髮」，不少人都會寧願加錢搵相熟髮型師操刀。 — 去髮型屋恤個靚髮，為明哲保「髮」，不少人都會寧願加錢搵相熟髮型師操刀。（圖片來源：《幻海奇緣》劇照）

茶餐廳茶記也能找指定師傅炒菜真的未聽過！ — 茶記也能找指定師傅炒菜真的未聽過！（圖片來源：《行運一條龍》劇照）

發揮創意！網民召喚心水師傅

網民除了競猜是哪一間茶記外，留言妙語連珠，有人認同樓主：「你估剪髮咩指定師傅」，而對於樓主的靈魂一問，亦有人提議：「揀之前叫晒佢哋出嚟，同老闆打個招呼先」，亦有人笑言：「指定18號，剪牛柳絲炒烏冬，唔該」。當中亦有網民挪喻：「可能係去左骨場」，不少人對於加錢搵師傅此舉投不信任票：「加完錢咪又係個學廚炒」、「指定完都係同一個師傅」，隨即有人回應安慰：「起碼唔係洗碗阿嬸炒」。最抵死搞鬼是網民紛紛召喚心中的廚神：「唔該叫李錦聯幫我炒」、「唔知有冇田味吉呢」、「Gordon ramsay唔該」，真的笑死，不知你的心水師傅又是哪一位呢？