西客指茶餐廳難食要求全單免費 網民斥有樣學樣：走數新招

西客指茶餐廳食物難食要求全單免費

該網民在Facebook專頁「香港茶餐廳及美食關注組」分享了一條影片，片段內容是早前到某茶餐廳用餐時，見到有一對男女食客與侍應在理論，該女食客指「啲嘢好難食」，於是向侍應提出全單免費的要求，但因為這對食客已經把凍檸水喝光，所以侍應指可免去食物錢，只需要付飲品錢就可以。

西客指自己是常客、指隔籬枱也能成功免收費

後來女食客又指自己是街坊「成日都嚟呢度食㗎」，然後就投訴食物份量及質素，又指自己想吃的食物都售罄，不得已只能點這些，但又不好吃，又指隔籬枱也有投訴食物有問題，侍應都沒有向他們收費，「佢哋無食過，咁佢哋試都無試啊嘛」，認為餐廳也應該免收他們錢，接著指着桌上一碟食物，強調「我哋淨係食咗呢舊，咁點啊？而家」，爭持不下。影片最後只見侍應無奈離場，食客也執拾個人物品疑似準備離場。但最後網民也不知道是否真的有免他們錢，但就指這對男女應該是「見到隔離枱有樣學樣，想唔俾錢走」。

網民稱讚侍應態度好、斥西客「食唔起唔好出街食」

不少網民都對該男女的態度表示反感，直斥他們「乞衣無錢開飯」、「食唔起唔好出街食」；又指「原來唔好食可以唔洗錢/去邊到都可以話唔好食，咪年中慳番唔少」、「乜個人覺得唔好食係唔洗俾 $ 的理由？幾時發明架？」，指這對男女就是想學隔籬枱不付錢，但「食到撩牙咁滯嘞先詐型」，炮轟他們行為可恥，更嘲這是什麼「走數新招」；也有網民指餐廳不用和他們理論：「講多無謂，唔比錢就報警」，又稱讚「個職員對住啲西客咁客氣」、「阿姐對佢哋真係好好態度」。

資料來源：香港茶餐廳及美食關注組