茄汁豆12大食法！網民分享不同做法 焗薯＋奄列＋做早餐 ｜飲食熱話
茄汁豆食法1.撈飯食
最簡單粗暴直接，也是最多人選擇的食法之一：「有個幾奢侈既食法係撈飯食」、「撈飯食一流」、「認真答你，撈飯」。飯粒混著茄汁豆，香甜多汁，又真係幾好食嘅，果然Simple is the best呀！
茄汁豆食法2.焗薯
茄汁豆焗薯都是常見的菜式：「配焗薯」，而且做法簡單，先將薯仔洗淨，用叉在表面均勻剌孔，塗上鹽及橄欖油，放入已預熱的焗爐以180度焗1小時至軟身，放涼後切去頂部，用匙羹刮出部份薯肉備用。 再將茄汁焗豆放上薯仔上，灑上芝士，放入已預熱的焗爐以200度焗10分鐘至芝士溶化，即成！
茄汁豆食法3.茄汁豆午餐肉芝士焗飯
有網友覺得茄汁豆焗一焗已經好好味，就可當一味餸：「焗，就咁餸，食到兩碗飯」和午餐肉也是絕配：「焗豆午餐肉」更有位廚神教路炮製茄汁豆午餐肉芝士焗飯：「炒個靚飯底先，另外再炒香切粒午餐肉，再倒罐茄汁豆落去，炒香再加啲喼汁/茄汁/鹽調下味，擺飯面再加芝士焗一焗佢」嘩！聽到都流曬口水呀！
茄汁豆食法4.茄汁豆炒蛋：
網友提議：「番茄炒蛋」，茄汁豆亦可當家常小菜，蕃茄炒蛋都是簡易的菜式，可以額外加入茄汁豆，或是茄汁豆代替蕃茄，吃到粒粒茄汁豆，更有口感。材料只需3隻蛋、一罐茄汁豆、適量水即可，燒熱鑊後下油，下雞蛋煎熟，放焗豆炒均後，加適量水，略炒至熟即成，非常簡單！
茄汁豆食法5.免治豬肉茄汁豆：
加點肉才有肉香，網友推介：「煎免治豬肉，再撈返去茄汁豆度」先煎香免治豬肉，再加入茄汁豆炒均即可，好方便！
茄汁豆食法6.英式早餐
英式早餐式的做法最多人鍾意，茄汁豆可算是英式早餐的靈魂之一：「英式傳統食法。」、「就咁食，不如買排腸返嚟整english bracketfast」、「煎兩隻蛋、兩條腸，放係茄汁手隔離，再落樓下買兩塊方包 = all day breakfast」配上多士就完美：「整英國國菜beans on toast」、「方包夾」。
茄汁豆食法7.芝士茄汁豆
網友建議以芝士配茄汁豆：「倒出黎連芝士一齊煮一煮」，簡簡單單就有拉絲效果。
茄汁豆食法8.麻婆茄汁豆
有人推介另一味小菜：「麻婆茄汁豆豆腐」似乎都可以喎！酸酸甜甜更加開胃。
茄汁豆食法9.茄汁豆奄列
有網友分享，曾到大排檔食早餐，嚐過奄列茄汁豆：「細個大排檔食早餐，塊奄列入面係茄汁豆」似乎大家都可以在家照辦煮碗，相信都是個不錯的醒神早餐。
茄汁豆食法10.吉列茄汁豆
老老實實，筆者不知道這位師兄的說法是否認真：「隔汁，顏爛d豆，搓成個波，上吉列皮，炸，點返個汁食」步驟好似有板有眼，似乎真的幾吸引，有人笑言：「分子料理」有無勇者夠膽試一試？
茄汁豆食法11.刨冰／雪條：
真的勢估唔到茄汁豆都可以用來做雪條或刨冰：「雪到變冰，之後做刨冰」、「見過有人雪凍當雪條」。不過茄汁豆酸中帶甜，嗯……用來做甜品，味道應該還不錯吧？
茄汁豆食法12.撈薯條：
薯條通常都配茄汁醬，何不以茄汁豆來撈薯條呢？可能別有一番風味呢：「撈埋啲薯條一齊食」甚至可能配墨西哥片，當做派對小食也可以。
