港女連鎖店買$86肉骨茶份量衰過廚餘 大量網民力撐：過份！呢世唔會再去

港女怒插食物無味 份量仲衰過廚餘！

日前有女網民在Facebook群組「香港茶餐廳及美食關注組」撰文分享其慘痛外賣經歷。當日，女事主下班後買了連鎖餐廳亞參雞飯的$86嘅肉骨茶配飯（不包飲品）回家食用，她懷着滿心歡喜的心想填飽已餓壞的肚子，誰料一打開外賣盒，只看到幾塊豆卜、1條肉骨和只佔四分一碗的「無味肉骨茶」。

事主對此感到不滿但只能無奈接受，「知道係連鎖式餐廳都唔會抱好大期望，只係希望味道同份量都正正常常」，可是事與願違，餐廳連最基本的要求都未能達到，她認為「$86真係過分咗啲喎，份量少到咁唔講以為係廚餘！」、「唔係求要成碗滿，有大半碗湯我都滿足㗎啦」。

大量網民有類似經歷: 「食一次都後悔」

事件引來不少網民熱討，一日已獲數百留言及讚好，回應一面倒，齊批餐廳無良。有大量網民認為圖片中的肉骨茶「仲衰過食湯渣」、「可能真係係餘廚執番條骨上來」、「你唔講我以為係你食淨」。

更有不少人表示有類似經歷「我買過外賣，得兩條骨，以為好少，原已經畀多我」、「食過一次永遠唔會返轉頭」、「食過一次、絕對唔會有下次」、「呢世都唔會再去」。

馬拉名物：肉骨茶

肉骨茶是一道起源於馬來西亞和新加坡的熱騰騰的湯品，主要以豬骨、牛骨或雞骨熬製而成，加入多種香料和藥材，如八角、草果、陳皮等，煨煮多個小時，讓湯頭慢慢滲透骨髓的精華，使得湯頭香濃醇厚，令人回味無窮。肉骨茶有利於健康，具有滋補身體、提高免疫力、減輕疲勞等功效，深受許多人喜愛。