「職業病」發作！台灣女食完火鍋起勢執枱 檯面乾淨程度令老公崩潰：又做免費店員｜網絡熱話
廣告
「職業病」發作！外出食飯後，有些人會習慣幫手收一收碗清理吓檯面，方便自己亦幫到店員，但執乾淨到呢種程度你有又無見過？一名台灣女網民在Facebook上貼出兩張相，圖中可見一張食完火鍋後執乾淨到反晒光嘅檯面，亦指自己「不管到哪裡吃飯，一定要收得很乾淨，才能安心走人」。
撰文：GW｜來源：Facebook@《爆廢公社二館》
台灣女食完火鍋「職業病」發作
食完火鍋後嘅檯面通常都似大戰過後的現場，應該是擺滿大量紙巾、湯汁、醬料、碗、筷子及各式各樣的垃圾，但是貼文者所貼出的照片，檯面卻是異常的乾淨，甚至乾淨到反光！
半點食材都沒有留下
女網民貼出兩張相，相中可見桌上只有鍋子和一小袋垃圾，鍋子裡也只有剩下湯，連半點食材都沒有留下。表示自己到外面用餐，都習慣收得很乾淨才走人，而且一開始她老公覺得很誇張，因為實在收得太乾淨，連桌子都要擦，但到現在已經無視她「當免費店員」的行為了，最後仲笑稱自己「#我是100分好客人無誤」。
網民震驚：太乾淨了 但服務費都要照俾
女網民最後就在留言區表示「我這是打工時期的職業病了啦！」，網民睇完圖就覺得震驚，表示「平時會執但唔會執得咁乾淨」、「店員一定好愛你！」、「賀！錄取」、「你第一名了，我只將餐具疊好大約擦一下」、「唔好意思啊但係10%服務費都係要俾㗎！」等留言。
