港人炮轟西九龍中心美食廣場枱櫈設計差！網民竟一面倒支持商場

港人炮轟西九龍中心美食廣場枱櫈設計差！

有港人於Facebook群組發文炮轟美食廣場枱櫈設計差，直斥食客坐上椅子後會雙腳離地，重心不穩而滑落，而且傾斜的設計不更放隨身物品於椅子上。事主忍不住狠批「你咁做都係想啲客食完快啲走啫，你以香港人好得閒想霸住你啲位坐？」

他指出有時侯食完飯想再坐一會，休息數分鐘也是很正常的事。但該美食廣場的設計就令到客人坐得不舒服，「食餐飯都唔安樂，為乜？」，指責此做法好趕客，及後再嬲爆指「我以後唔會幫襯，快L啲執笠」。

網民一面倒力撐

有部分網民都認同事主的意見，「真係轉咗斜凳就冇食過」、「整成斜挎，佢真系高估自己,以為人喜歡坐佢舖位，若老人家坐著跌倒，怎樣賠償」、「西九龍成個場靜到咁唔係無原因㗎」。但其他網民就反而一面倒力撐設計無問題：「西九龍又唔怪得佢咁做，起碼6成人唔係食嘢」、「唔好亂噏啦，你知唔知西九龍中心8樓food court長期有班冇嗌嘢食嘅人坐喺度霸住啲櫈呀，就係踢走嗰班人咋你係老細都唔想有班人坐喺度霸住你啲枱櫈又唔叫嘢食啦」、「樓主你唔明世情啫，西九food court當年起碼有7成人係閒坐無幫襯，攞住盤食物四圍搵位，係幾咁狼狽同危險」、「因為呢個場啲人真係好得閒會霸住啲位坐」、「話個場唔啱嘅人， 應該無實地去過。 樓主應該都唔係成日去」。有網民替商場解釋指「因為很多亞婆亞公或無錢的人在此打坐，所以這樣設計不讓他們舒服坐，快點離開」。