美國領事突發食兩餸飯！網民激賞：貼地親民力推心水餸菜｜飲食熱話

Nov 1 2022

古有前香港總督彭定康食蛋撻，今時今日，美國駐港澳總領事梅儒瑞（Gregory May）竟然同香港打工仔一起排隊買兩餸飯，在Facebook發文一試打工仔恩物，大讚：「價格實惠得嚟又好味喎！」搞鬼地標註#ThisThisRice，順道請教大家：「你哋必揀嘅餸又係咩呢？」事件引來大量網民激讚，覺得Greg親民又點地，更有不少網民推介必食餸菜！究竟是哪間兩餸飯店獲領事青睞？Greg又叫左邊幾味餸呢？

美國領事初嘗兩餸飯大讚This This Rice

大件事！大件事！美國駐香港及澳門總領事館今天在官方Facebook專頁U.S. Consulate General Hong Kong and Macau發帖，發佈了美國駐港澳總領事梅儒瑞（Gregory May）初嘗打工仔恩物兩餸飯的相片，只見Greg在兩餸飯店「手指指」挑選餸菜，彷彿聽到他說“This This This”，最後更在店前笑瞇瞇地和戰利品合照。帖文內容為「大家成日講嘅 #兩餸飯，我終於搵咗個機會同香港上班族一齊排隊去嗌個嚟做lunch，價格實惠得嚟又好味喎！你哋必揀嘅餸又係咩呢？ – 總領事 Greg」更hashtag#ThisThisRice，非常生鬼貼地。據網友在留言中透露，有幸獲得領事青睞的是位於灣仔的灣仔添飯餸，而Greg就點了臘味芥蘭及薯仔雞。

美國領事美國駐香港及澳門總領事館今天在官方Facebook專頁U.S. Consulate General Hong Kong and Macau發帖，分享總領事Greg初嘗兩餸飯的經驗。 — 美國駐香港及澳門總領事館今天在官方Facebook專頁U.S. Consulate General Hong Kong and Macau發帖，分享總領事Greg初嘗兩餸飯的經驗。（圖片來源：U.S. Consulate General Hong Kong and Macau截圖）

美國領事帖子總共上載了4張相片，只見Greg在兩餸飯店「手指指」挑選餸菜，彷彿聽到他說This This，更在店前笑瞇瞇地和戰利品合照。 — 美國領事食兩餸飯！帖子總共上載了4張相片，只見Greg在兩餸飯店「手指指」挑選餸菜，更在店前笑瞇瞇地和戰利品合照。（圖片來源：U.S. Consulate General Hong Kong and Macau截圖）

美國領事彷彿聽到領事說This This Rice — 彷彿聽到領事說This This Rice（圖片來源：U.S. Consulate General Hong Kong and Macau截圖）

美國領事 Greg點了臘味芥蘭及薯仔雞。 — Greg點了臘味芥蘭及薯仔雞。（圖片來源：U.S. Consulate General Hong Kong and Macau截圖）

美國領事見Greg幫襯得咁開心，網民都想去食。 — 見Greg幫襯得咁開心，網民都想去食。（圖片來源：U.S. Consulate General Hong Kong and Macau截圖）

網民大讚貼地親民！

事件旋即引來大批網民留言關注，不過5小時，已達9千個Likes，7百多個留言，更獲各大傳媒瘋狂轉載報道，大量留言盛讚Greg貼地又親民：「多謝Greg，親民貼地，特登抽時間體驗本地生活文化。」、「走入社區，了解民生」大讚比前特首更貼近香港民生：「真係好貼地，前特首連廁紙都唔識買」似乎大家對這位總領事很受落：「而家呢位領事好俾面香港人好親民，頻繁出post零舍唔同，無論為咗乜原因都感謝好喜歡佢。」

美國領事網民大讚Greg親民，亦令人想起肥彭吃蛋撻一事。不過都有人慨嘆美食天堂變了「兩餸飯之都」。 — 網民大讚Greg親民，亦令人想起肥彭吃蛋撻一事。不過都有人慨嘆美食天堂變了「兩餸飯之都」。（圖片來源：U.S. Consulate General Hong Kong and Macau截圖）

網民狂推心水餸菜

既然Greg開口問到：「你哋必揀嘅餸又係咩呢？」網民自然一呼百應，為Greg推介心水餸菜，而Greg（或者是Facebook小編）都積極留言和各大網民互動。傳媒人伍家謙推介道“My must-order items is this and this!“，領事亦大玩語言遊戲，搞鬼地回應“Trying that next time!!!“

其他網民推介：「生炒排骨，魚肉，或豬手，正呀」亦有人推介外國人比較少吃的菜式，如雞腳、內臟等“You try try chicken feet“、「粟米斑塊似嘔吐物，必試；滷水大腸係排泄物必經之路，推薦」當中有網民跳出框框，推介領事去大家樂：「阿領事應該去食大家樂換閃卡」大家都好熱心為Greg推介喎！