港男叫外賣紫菜包飯！無送醬汁店家拒送回＋串爆回覆：你食飯卷係為個醬？
港男買外賣紫菜包飯無醬汁
該港男在Facebook群組「中伏飲食報料區」發文，指當日因為身體不舒服，所以透過Deliveroo叫了韓式餐廳韓二妹的紫菜包飯，作為熟客樓主表示，這一年來已光顧這家外賣數十次，而每次都會附上自家調配的辣醬，更強調「如果無個醬我根本唔會嗌」，但今次店家沒有附上辣醬，樓主於是向餐廳查詢，餐廳道歉兼回應指因人手短缺，所以要樓主自行前往餐廳取用，但當時樓主身體不太舒服，指「如果我要行咁做咩我要俾貴啲用Deliveroo」，因此追問是否有其他解決方法，店家指可以下次再叫外賣時送一客小食，但樓主認為「咁我呢一餐個問題都無解決」，加上對其他小食沒有興趣，因此也不願接受。
店家主動提出可退款、但要港男先做一件事
樓主不願接受以小食作為補償，店家於是叫樓主等等，好讓另一位同事跟進回覆，樓主等待期間就用WhatsApp把Deliveroo的收據send給店家參考，樓主當時並未有想到要退款，只是看看餐廳是否可以「幫我問下deliveroo可唔可以幫手送返個醬」，又指出「唔可行唔知但at least你問左唔得我就算」，但沒想到店家即WhatsApp call樓主，回應指「你宜家用電話影低你倒哂啲嘢食落垃圾桶，跟住我打去Deliveroo幫你退款」，樓主直言「成件事同態度我都覺得幾震撼，原來我俾咗錢買你嘅食物，你嘅服務可以俾你咁樣兇返轉頭」，於是樓主就真的把食物倒掉，然後讓餐廳處理退款。
港男於店家Facebook留負評、餐廳串爆回應事件
因此是次的不愉快經歷，樓主就去了韓二妹的Facebook專頁留下負評，沒想到再引來餐廳回應。韓二妹指出他們已提供應對方法，就是下次再叫時補送一個小食，但樓主「唔ok話食唔到」，所以他們才提出「唯有叫你倒咗個飯退返錢」，又強調叫外賣時其實並沒有提及會附上辣醬，指出「其實辣醬唔一定要比㗎客人先生」，再串爆回應「你叫紫菜包飯係為咗食辣醬？」。
店家火上加油、IG出post：以後唔跟辣醬
原以為事件就這樣告一段落，沒想到韓二妹之後在其IG出了一個post，指「昨天發生了一小事件
所以從今天起，買紫菜包飯都不會跟辣醬」，客人有需要就要向店員索取。貼文內又提及該店的辣醬味道是自行調配，外面買不到的，當初會隨紫菜包飯附上醬汁，是因為「二妹堅持跟俾大家試吓味道」，慨嘆「原來會變咗老馮一定要有」，最後又暗串港男「最後好多謝果位客人 因為冇辣醬而食唔到紫菜包飯 証明二妹辣醬有可取之處」，令人嘩然。
網民認定西店：夾硬扭曲事實又串串貢
不少網民都有跟進該事件，原本事件在處理好退款後已完結，但萬萬沒想到店家在IG再發功，雖仍有少數網民認為樓主是「西客」，竟為了一點辣醬留難店家，但9成的網民都反指餐廳才是「西店」，直言「間鋪為咗啖氣將忠粉變黑粉」。有網民明白港男，舉例「食麥樂雞無甜酸醬真係唔想食麥樂雞」，指出「樓主叫左一年都有跟醬，今次再叫也是合理期望會有醬跟」，但店家竟以「堅持跟俾大家試吓味道」作為理由反斥港男「變左老馮一定要有」，有網民就嘲「以前堅持跟，依家就無左堅持」，直言是餐廳問題；又指「如果deliveroo有得剔要醬，個客無剔就話啫」，根本就是餐廳自己沒有處理好，直斥餐廳「夾硬扭曲事實又串串貢」。
