紙紮燒賣 ｜燒賣關注組清明顯孝心 網民建議加埋呢3款合製「清明系列」

紙紮燒賣｜燒賣關注組：同先人分享呢種味道！

上星期燒賣關注組為「燒賣界」投下一顆震撼彈，宣布推出「紙紮燒賣」，起因是關注組其中一位管理員的媽媽，她生前十分喜歡燒賣，指

「我地而家食過咁多好食燒賣，偏偏再無辦法同先人分享到呢種味道」

關注組認為清明燒衣有很多種類，相比燒大屋給先人住，更加想「有機會再同佢一齊食返串燒賣，哪怕只係再一齊share多幾分鐘」，因此決定與九龍殯儀館聯乘推出紙紮「先人燒賣」，粒粒都是香港手工製作，「等大家以最日常嘅方式懷緬先人，燒嘅時候，趁呢個機會同至親講下生活，閒話家常」。

網民激讚！建議加多3款推系列產品

紙紮燒賣獲得網民激讚，認為像真度很高，「好靚呀真係，香港製作既紙紮其實真係越來越少」、「雖然我未死，但我覺得好似好好食」，不過，就有網民留言未有燒賣必備的豉油辣油，「阿衰仔，燒賣梗係要蒸先好食！燒乜鬼？仲有辣油呢？豉油呢？？？」、「要整埋辣椒油先夠誠意」。另外，更有眼利網民留意到細節之處，紙紮燒賣是3串燒賣每串7粒，關注組指是因為祭品要單數，以及「一串7粒，係因為6粒唔夠食，8粒串唔晒」！

有網民亦關心紙紮燒賣燒起來有沒有燒賣的魚肉香味，翻查關注組過往推出的商品，建議不如加推以下3款產品，可以成為清明祭品一條龍！

1. 魚肉燒賣蠟燭

拜祭用品自然少不得蠟燭，紙紮燒賣造型的金銀衣紙，配上有魚肉香氣的蠟燭，給先人如同在世般的享受。

2. 燒賣地獄拼圖

燒賣除了吃和燒， 一度掀起搶購潮的燒賣地獄拼圖亦十分適合燒給先人，或者後人自己砌，也是一種樂趣！

3. 紙紮燒賣Tee

留意到關注組近年亦不斷捱出不同的燒賣Tee，其實今次趁清明節推紙紮燒賣Tee也可以為喜愛燒賣的先人送上一番心意。