食客叫米線竟投訴腐皮太多　網民毒舌留言：一睇就知係西客！

食客控訴米線腐皮太多

該食客指自己到米線店用餐，只叫了腐皮一個配菜，然而餐點送上來後，食客卻覺得有點奇怪，形容「啲腐皮同平日唔同長條型嘅，份量多到唔敢食！」，而相片中，可以看到一小碗內全部都是腐皮，份量非常多，而腐皮的外觀和一般的沒有太大分別，但食客卻對腐皮的異常份量感到不滿，並上網分享。

網民：好少見人投訴份量太多

網民看到食客的分享後，卻直指食客是西客，應該他要求多多，更指是第一次見有人抱怨配料太多「俾多咗咪益你，覺得腐皮痴住咪自己用牙咬開佢，食唔晒咪剩返喺個碗囉。唔通啲湯多左，你飲唔晒，又同阿姐講叫人哋拎返入廚房換過俾你咩」，直言「心地唔好先會覺得人地比得多就一定唔方好，因為自己都係會同樣咁做野既人囉！」

• 「多又話多，少又話少，難服侍」
• 「西客下次記得走腐皮」
• 「讀後感都係覺得煩西」
• 「今次你賺左啦，仲投訴？」

網民分享腐皮做法　恥笑食客見識少

針對腐皮的形狀問題，也有網民指出是正常的，單純是事主見識少。「睇唔出有咩問題，佢都係成塊大腐皮cut出嚟，形狀唔同好正常」、「你未買過腐皮，整過腐皮呀？抑係有工人服侍開，冇入過廚房？腐皮長有咩出奇啫，一塊腐皮本身都好大塊㗎啦！你咪咬斷佢，或者剪斷佢食。」也有網民應該他難服侍，應該沒有太多朋友「你真係好難服侍！朋友同你出外聚餐都應該幾辛苦」，引起不少人和議。