筲箕灣燒味店買雙拼飯臨時加價！食客超後悔網民分享中伏經驗｜飲食熱話

Sep 5 2022

筲箕灣燒味店買雙拼飯，遭師傅臨時加價？燒味飯一向平靚正，不單止是「男人的浪漫」，更是低下階層的救星！但近日就有街坊在「筲箕灣西灣河關注組」分享買燒味飯的激心事，事主柯打$20沙薑雞燒肉雙拼飯，誰不知師傅斬好料後加價。事主打開飯盒後，無論賣相還是食味均強差人意悔。網民紛紛留言表示讚同，更明言該店一直在群組中劣評如潮，紛紛分享中伏經驗！

筲箕灣燒味店師傅臨時加價$5 皆因文昌雞貴啲

平靚正的燒味飯難求，$20有一個雙拼飯，確是平中之平，但臨時加價真的聞所未聞！近日就有街坊在「筲箕灣西灣河關注組」發帖，分享買燒味飯的奇遇，師傅斬好料後，說因為用上了文昌雞，竟然臨時加價$5，令事主非常之愕然，發文為「昨日鯰（諗）住簡簡單單買個20蚊‘’沙羌（薑）雞燒肉雙拼飯‘’，條刀手做好交比我，話要收25蚊，因為是文昌雞！」加價已經令人谷氣，事主事後打開飯盒後，大感中伏，只見相中燒味飯賣相一般，只有3件雞及4件燒肉，擺位混亂，有網民留言覺得儼如剩飯，連食味也是令人失望：「D雞好鞋，燒肉全部肥豬膏，扒左兩淡飯，跟住無吃！」事主大呻這個飯盒「超級垃圾」，慨嘆：「唉，好後悔！」

帖中另一張相片中可見燒臘舖的餐牌，列明「正宗海南沙薑雞飯，單拼$20，雙拼$20」，然後在雙拼價錢旁寫明「文昌雞加$5」雖然餐牌已列明，但師傅沒在斬料前明言，似乎有點不妥。

筲箕灣燒味店近日有街坊在「筲箕灣西灣河關注組」發帖，分享師傅斬好料後，說因為用上了文昌雞，竟然臨時加價＄5。 — 近日有街坊在「筲箕灣西灣河關注組」發帖，分享師傅斬好料後，說因為用上了文昌雞，竟然臨時加價$5。（圖片來源：筲箕灣西灣河關注組截圖）

筲箕灣燒味店燒臘舖的餐牌列明「正宗海南沙薑雞飯，單拼＄20，雙拼＄20」，然後在雙拼價錢旁寫明「文昌雞加＄5元」。 — 燒臘舖的餐牌列明「正宗海南沙薑雞飯，單拼$20，雙拼$20」，然後在雙拼價錢旁寫明「文昌雞加$5」。（圖片來源：筲箕灣西灣河關注組截圖）

筲箕灣燒味店事主事後打開飯盒後，大感中伏，只見相中燒味飯賣相一般，只有3件雞及4件燒肉。 — 事主事後打開飯盒後，大感中伏，只見相中燒味飯賣相一般，只有3件雞及4件燒肉。（圖片來源：筲箕灣西灣河關注組截圖）

筲箕灣燒味店師傅斬完料先明言加＄5。 — 師傅斬完料先明言加$5。（圖片來源：《國產凌凌漆》劇照）

筲箕灣燒味店事主留言覺得好後悔。 — 事主留言覺得好後悔。（圖片來源：筲箕灣西灣河關注組截圖）

燒臘舖劣評如潮

帖子一出，便引來大批網民留言，絕大部份都是對該店的負評，大彈相中的燒味飯賣相不堪入目，好比廚餘飯：「廚餘飯」、「全部都係食剩嘅」、「好似食剩咗，掉之前咁嘅樣」、「二手飯黎！」、「餵狗都無咁hea」，並且覺得如此差的質素，多平也沒用：「唔怪之佢地冇生意啦，咁又唔好話人地搶走晒d生意，幾平都冇用」、「依間由開張至今，一次都未幫襯過，因為向馬路街，冇遮冇掩感覺污糟。睇見盒飯咁濕碎得兩舊雞重要收多五蚊？如果我係你即時唔要，就算話收返二十都係唔要即走人…」、「便宜莫貪啦」。事主似乎非常氣憤，留言：「好快執笠」，亦分享多張該店無人問津、拍烏蠅的相片：「今日繼續水淨鵝飛! 11：30」、「無生意，早D拉閘」，其他人亦紛紛和應：「係呀，日日拍烏蠅，小貓三四隻。」、「標記吾執。。天理不容」。

筲箕灣燒味店賣相麻麻，以為是食剩的飯盒。 — 賣相麻麻，以為是食剩的飯盒。（圖片來源：筲箕灣西灣河關注組截圖）

筲箕灣燒味店事主似乎好嬲，留言匯報該店拍烏蠅的情況。 — 事主似乎好嬲，留言匯報該店拍烏蠅的情況。（圖片來源：筲箕灣西灣河關注組截圖）

網民分享中伏經驗

咒人執笠似乎唔多好，但原來該店在該群組一直劣評如潮：「我唔敢話活該，但該店在本谷劣評如潮，你仍咁勇敢去光顧，值得俾你一個（讚）」，更有不少網民忍不住分享中伏經驗，除了食物質素差：「之前幫佢買過條燒腩仔，好鬼難食」，原來該店還非常古惑，有呃秤之嫌，而且有不少苦主，難怪大家咁谷氣：「呢間嘢之前都OK，而家有啲師傅走咗啦得返呢三個師傅，又狡猾又偷龍轉鳳，買隻雞分分鐘經過佢只手斬呀會偷起几（幾）件，買鵝腸又呃稱（秤）⋯⋯最好係唔好再幫襯佢⋯⋯」、「我係廣東買隻鹽焗雞，俾佢斬埋，發覺少了很多雞胸肉！可能現今時勢唔好，呢個偷啲，嗰個偷啲，又夠一碟!」、「係呀…我屋企人都發現左衣個問題就算買，我地都免斬，好耐無幫襯啦」。更有人懷疑舖頭賣過夜剩餸：「他夜晚收工賣淨很多嘢，掛滿晒，第二日賣乜嘢大家想下。我就唔會幫襯了。」

但在眾多劣評中，都有網民講句好說話：「20元，冇什麼要求啦！有雞有燒肉，不過係份量問題」、「廿幾蚊+$3有茶或汔水係咁水準，但個飯盒樣應該搞過」。看來該店真的來個改進，挽如食客的信心，才能在逆市中求生了！