流浮山窯燒雞疑似燒燶雞照賣客　買家上網控訴網民憑一證據懷疑：你屈人！

流浮山窯燒雞燒燶晒照賣客　食客憤而上網控訴

有食客在 Facebook 群組「全港店舖消息關注組」上發帖，表達了他在新蒲崗一家燒雞店購買的燒雞質量問題。他指出自己於2024年7月5日購買的燒雞，「雞放靚袋中，都冇俾我睇，返屋企攞出來一睇，真係燒雞。」當他回到家中打開袋子時，發現雞已經是燶透了，從他的照片中，可以看到整隻雞都是黑色的，明顯是燒燶了。

網民留言：感覺似自己再翻熱！

而對食客的控訴，一眾網民卻提出疑問，認為雞似事主回家翻熱後的狀態，而不是店家剛出爐的樣子。

• 「感覺似自己再翻熱，但過火了」
• 「樓主自己翻熱時攪到咁？我就唔係好信舖頭會咁樣俾你」
• 「屈X人，佢間舖無用呢種外賣盒」
• 「作大唔駛本！買嗰陣你點解肯收貨？」

也有網民指出事主應該直接換雞，而不是上網公審店家。「搞笑，攞落去換呀嘛 PO上黎FACEBOOK識換雞架咩！」、「奇怪。點解舖頭比你時唔出聲。又無落舖頭要求换？宜家post上嚟，有啲老屈同老作喎。」，對事件提出疑問。

事主補充：店家認爐火失控

事主對於網民質疑表示無辜，再留言強調「絕對沒有再加熱」、「唔需要同情只係唔知真假就俾好多人話老屈，問誰都不會開心，你唔認同睇吓就算」事主更強調事後再致電店家，店家回應指「當日爐火失控，係燒燶咗」，對於網民「老屈」的行為表示不滿。「你哋一面倒認為我自己整燶屈人哋，你哋檢討下啦！」