稻香菠蘿咕嚕肉要價$128但份量超少！網民恥笑：物以罕為貴

稻香咕嚕肉要價$128但份量超少！

一名港男於青衣城稻香用餐，期間散叫了多款菜式，其中包括菠蘿咕嚕肉，而且價錢為$128，相當不便宜。事主感到無奈，更忍不住表示：「最好嘢係佢放得落枱先抵死」，直斥「唔怪得啲人點解咁鍾意上深圳食飯」。

網民恥笑：物以罕為貴

帖子引來眾人熱議，大家都紛紛對其份量感到驚訝，「傻的嗎？咁都夠膽出比客！」、「被人偷食咗一大半」、「我隻貓都唔止食咁細兜」、「隔離枱食剩攞畀你，份量咁少」、「好名貴吓喎」、「物以罕為貴」、「咁做生意，唔執真係冇天理」。有不少人就建議事主買雙餸飯好過，「又茶錢又加一，仲要咁低質；不如買三盒剩雙餸，返屋企自己重煲白飯，又唔洗等位又唔洗勞氣」、「去買個兩餸飯的餸都多過稻香」。另有人指出餐廳質素後退，「你點解要去稻香先，比個理由來！」、「去得稻香你想點呢？」。