移英港媽唔enjoy煮飯！網民教食超市ready meal＋Hea煎牛扒｜飲食熱話

移英港媽變全職家庭煮婦 日煮三餐好頭痕

港人移英後努力融入當地飲食文化，在家煮食成為主流，與香港隨時出街食或外賣加個餸大有不同。最近，有移英後變成全職媽媽的網民在「食在英國超市好物/飲食情報分享區」FB發帖，她自言「在香港唔煮嘢食，唔enjoy 煮嘢食，但而家到黎（來到英國）日日要煮」，向其他同路媽媽求教「預備一家大細三餐」的方法，吸引網民踴躍分享。

部隊晚餐、碟頭飯 最重要「一煲過」

網民普遍認為早餐和午餐可以從簡，生果、粟米片、麵包、三文治、沙律或粉麵等一大堆選擇，應可輕鬆過關。晚餐要食得豐富，打邊爐加燒烤機、one pot rice 電飯煲食譜或碟頭飯等指南都非常實用。

告別有餸有湯配白飯的晚餐，大人打邊爐，小朋友串串燒，豐富又飽肚。另外，以電飯煲「一煲過」，按下飯煲掣便可等食。當然電飯煲煮粥、烚番薯、意粉或其他碟頭飯亦無難度。不過，對於不享受下廚的新落地港人，似乎最愛還是超市的ready meal即食系列。

唔洗叫外賣 高級西餐15分鐘有得食

英國超市的ready meal有齊頭盤、餐湯、主菜和甜品，從菜式到口味，選擇豐富得讓人心動，而且不少也是製法認真，並非一般速食。例如馬莎超市便有一系列慢煮菜式，牛肋條、醬汁豬腩仔、香草燒羊架等，肉質嫩滑，醬汁惹味。另外，預製Pizza或焗意粉標榜用上意大利芝士、番茄和醬汁，單看用料已覺風味十足，最重要是只需於焗爐加熱，15分鐘便可熱辣上枱。

炸魚做出茶記口味 新手都可變大廚

要還原香港茶餐廳風味，有網民教路只需買來一盒炸魚扒放焗爐加熱，再加上粟米汁立即變成「粟米魚塊」，另外亦有炸雞、餃子等ready meal，果然新手都可以變大廚。

一日三餐向來是頭等大事，有人全心鑽研食譜，有人尋找簡單方便的選擇，文中港媽發帖文求救，吸引近不少留言教路食譜或美食主意，再次證明，美食（或揾食）從來不拘一格，只需各適其適。