移英港妻超市見婆婆跌倒流血 即時上前急救！網民大讚：幫香港人加分！

移英港女見婆婆跌倒流血即時幫手急救

近日港男發文分享太太的好人好事經歷。他表示，上周六太太去伯明翰（Birmingham）的連鎖超市Tesco購物，當時他正在上班不在現場。太太付款後竟然目擊「有個婆婆跌咗喺地，流咗好多血，仲有抽筋跡象，塊面當時仲係面向地下」。

當時超市經理見狀立即報警求助，在場有很多顧客，但因為沒有在場人士是醫護人員，所以大家都不敢亂來，於是曾學過急救的太太二話不說，立即為婆婆進行急救。太太戴上由超市提供的手套後，冷靜地為婆婆檢查，「將傷者打側身，檢查脈搏，在場仲有個後生仔（唐人）幫手，另一邊聽從醫護人員喺電話度教我太太點做」。

幸好現場附近有醫院，很快就有醫護人員到場接手急救，太太其後亦繼續在旁觀察。太太臨走時見到婆婆開始清醒，估她無事，正想離開時，超市經理為表感激，提出免除購物金額，太太當下立即拒絕，但因為對方盛情難卻，她便沒有再婉拒，經理最後還送了一紮花給太太作禮物。

網民大讚！

港男得知事件後引以自豪，更大讚「太太真係好勇」，又說「寫出嚟除咗想讚下太太，同時都想帶出見義勇為都係我哋香港人有嘅特質」、「我哋每人做多少少，就可以建立香港人優秀嘅一面」。於是將太太的好人好事記錄在社交平台中，與大家一起分享喜悅。

今次好人好事件，即時引來大批網民大讚樓主太太，更指樓主娶了個好老婆，祝福二人一直幸福。有人亦表示：「好抵讚！佢做得好好！同時都想講，識急救真係好重要呀！」、「香港之光」、「幫香港人嘅形象加咗分」、「繼續發光發熱，發揮香港人精神」、「真係好叻，有愛心之餘仲要夠冷靜」、「太太勇於助人，做得很好。你懂得欣賞，都抵讚呀！」。

原文：「英國香港人生活交流區」