荃灣石圍角麥當勞重開！保留全港唯一麥當勞叔叔＋漢堡神偷壁畫＋蘋果樹
廣告
石圍角麥當勞重開！荃灣石圍角商場早前有店舖集體被逼遷，要在短時間內離開商場。場內其中一間麥當勞亦備受關注，皆因餐廳亦要進行重建工程，而店內的麥當勞叔叔雕像是全港唯一僅餘的雕像，大家都非常緊張它的去向！而麥當勞宣布，石圍角分店於5月30日重開，店內保留90年代的風格，麥當勞叔叔仍會在店內，繼續親切地揮手和大家Say Hi，更有不少懷舊元素得以保留在店內，即睇係咩！
荃灣石圍角麥當勞重開！全港唯一麥當勞叔叔
石圍角麥當勞除了有紅白間條、黃色連身套裝的麥當勞叔叔坐陣外，更有一眾經典人物滑嘟嘟、漢堡神偷、小飛飛嘅壁畫都得以保留，更加埋蘋果樹同漢堡飽櫈，童年回憶返晒嚟！消息一出，即引來大批Fans特意前往打卡留影，麥當勞叔叔旁邊好熱鬧啊！
網民：今次做得好好！
對於麥當勞今次聽從民意，令大家喜愛的麥當勞叔叔、蘋果樹和懷舊壁畫得以保存，一眾網民都表示興奮，紛紛稱讚「麥當勞今次做得好！」、「其實咁先係我地童年回憶真正的麥當勞」，表示要快啲去打卡啦！更希望每一間麥記都重現經典人物，也有網民提議： 「希望麥當勞叔叔可以回歸每一區！唔使個個迫晒係一間鋪度打卡」。如果這個願望真的成真，相信麥當勞定會掀起最新一波懷舊熱潮！
- 餐廳：石圍角麥當勞
- 地址：荃灣石圍角邨石圍角商場平台324號舖
關鍵詞
飲食熱話
圖片來源：麥當勞、FB@麥當勞
