真美味結業？！Google標明旺角黑店 大量港人嗌中伏 力數3宗罪｜飲食熱話

旺角真美味結業！Google一搜標明「黑店」

香港地，掃街小食特別多，燒賣、魚蛋、碗仔翅、格仔餅、雞蛋仔、牛雜等通通出色，平時經常一聞到那香味，立即掏出錢包叫上一串或一碗。而最吸引人的必然是其價錢，夠晒貼地，燒賣魚蛋$10/串、格仔餅或雞蛋仔$20就有交易，美味又飽肚。而位於旺角朗豪坊對面的真美味小食店，同樣亦主打港人至愛的掃街小食，本來於該址已經開業多年，不過在疫情嚴峻情況下靜悄悄地結業。

本來店舖結業並無不妥，不過翻看網民過往的討論，紛紛大叫中伏，更有人討論自己中伏事件。而記者亦在Google搜尋「旺角」、「真美味」這字眼，竟然看到真美味旁邊標明「黑店」。

中伏網民大鬧價錢離地 大數3宗罪！
1）唔標明價錢

有網友曾經在真美味中過伏，於連登討論區開文大鬧，誰知千軍萬馬來相見，原來不少網友都有中伏經驗。該名網友指出，店舖本身已沒有價錢牌，自己柯打一碗牛雜後，姐姐裝好遞過來再索價$60， 讓網友心中不禁大叫「好貴」。而牛雜細碗之外，有半碗都是蘿蔔。

2）姐姐慣用「局你要」手法

亦有其他事主試過同樣經歷，本來詢問雞蛋仔價錢，但姐姐邊回答邊包起，最後事主表示不要。

3）價錢海鮮價

除了姐姐慣用手法外，其海鮮價錢亦受到網友詬病。先後有不同網友幫襯過，都是柯打一碗魚蛋，誰知一碗售價$30，另一碗就$40。

港人直言：唔係畀香港人食

有精明網友直言這間食店是專做遊客生意，難怪有網友罵道「唔係畀香港人食。」。看來大家中伏經歷甚多！