IKEA愚人節推媽子番茄炒蛋新地 網民搶試新奇口味

IKEA愚人節推「媽子番茄炒蛋新地」 網民：好想真係有呢個口味嘅雪糕

IKEA小編早前在Ikea的Instagram錯手放錯媽媽煮的晚餐——番茄炒蛋，之後更在社交媒體上貼出道歉聲明，指「誤用公司IG——IKEAHongKong發放『媽子番茄炒蛋圖』令大家有得睇冇得食 本人表示唔巧意思！」，有網民在道歉帖文上表示不如直接做推廣出番茄炒蛋，「食住上直接做個推廣出埋呢隻味咪得囉」、「就用呢個飯配方在IKEA餐廳推出呢個限時飯」、「Ikea餐廳即刻整個番茄炒蛋出來賣就得啦」。

怎料，在昨日4月1日愚人節，IKEA小編在社交媒體指因為「見大家好似對小編媽子嘅番茄炒蛋好感興趣（奇怪），所以誠邀媽子親下廚，整咗味潮洲凍食『番茄炒蛋新地』畀大家品賞下！」，更宣布想感受IKEA小編家的味道，可以在4月3日或之前到IKEA美食站（除沙田）品嚐！

網民對此都認為是因應愚人節而開的玩笑，「今日4月1日，小編出招，勁」、「我好想呢個口味嘅雪糕係真」、「雖然知係假，但都好想食」，有不少網民更指「小編我去門市無我嬲你架」，怎料陸續有網民在網上發出試食圖，眾多網民都大感意外，「真㗎？我以為愚人節」、「仲以為出post笑完就算」。有網民更懷疑IKEA小編早前的錯手帖文根本就早有預謀，「嚴重懷疑個蕃茄炒蛋係為今日呢個post鋪路」、「懷疑小編早幾日係有預謀咁post錯相」。

網民搶試蕃茄炒蛋新地滋味

眾多網民得知這個「番茄炒蛋新地」在門市真的有售，便紛紛到門市一嚐IKEA小編家的味道，大多都認為味道不錯，「其實幾好食：粉紅色雪糕有番茄味，黃色雪糕蛋香唔太夠，但夾埋一齊食冇想像中怪，而且真係有食完番茄炒蛋嘅after taste！」、「係適合甜品好淡嘅番茄香同類似燉蛋咁味，整體就係好融合到牛奶咁feel」。不過，亦有網民認為番茄炒蛋味的雪糕十分奇怪，「都幾難食下」、「我覺得冇味」、「怪雞雪糕」。

另外，有不少網民更建議可以出其他特別口味，「我要溫泉蛋新地」、「我想要干炒牛河味」、「可摸耳出梅菜扣肉新地？」、「整埋魚香茄子新地啦」，不知各位又有何建議呢！