綠領行動建議重用竹葉包糉遭網民鬧爆 後急刪字眼補鑊

網民鬧爆：你記得曬乾廁紙再用！

綠領行動的原始帖文提到，除了可以選擇素糉以減少碳排放外，還可以將食用後的竹葉保存下來。「食完糉之後，塊竹葉去咗邊呢？唔係就咁抌落垃圾桶掛…. 其實洗返乾淨吹乾就可以循環再用，下年再包過糉又得，大家可以盡情發揮創意小宇宙」。

這一言論一出，立即引來網民的廣泛討論和批評。有網民戲謔地回應說，「唔該小編一年後用返啲洗乾淨嘅糉葉包糉，再食畀我哋睇」，甚至有人提出「記得紀錄有冇食物中毒」的挑戰：

• 「我留返起啲葉送俾你地出年包糉」
• 「去完廁所啲廁紙都記得曬乾再用呀！」
• 「會唔會去叫啲酒樓糯米雞啲荷葉洗乾淨返用？咁樣全港啲酒樓都可以一起參與環保呀！」
• 「喂，我好多粽葉，洗返乾淨送去你哋辦公室，你哋下年包粽俾自己食」
• 「你哋個office 、各位成員嘅屋企部冷氣掉咗未？」
• 「綠領不如收集糉葉OK嘛？可以拎去總部」
• 「你哋成班人已經走火入魔，明明office日日開大個冷氣，叫人重用塊葉去環保。」

綠領行動急改帖文

雖然有部分網民對綠領行動的建議表示支持，但更多的是質疑和反對的聲音，亦有人提出食物安全的擔憂：

• 「有冇考慮過食物安全嘅問題呢？」
• 「糉葉經過包裹加熱之後會變脆，唔可以再用，只可以當廚餘處理，不如話唔食糉最環保」
• 「粽葉蒸完都變黃變軟變爛啦，更唔好講重用生癌嗰啲，放喺度都會發霉下次包都食死人啦」

另外，也有人表示家中長輩實際上會這樣做「我都知呢件事好痴線，但我屋企人真係會咁做，我抵抗唔到，唯有接受」。

限制留言圖平息爭議

面對網民激烈反應，綠領行動今早已刪去「下年再包過粽又得」字眼，但仍保留「其實洗返乾淨吹乾就可以循環再用」，後更限制了只有追蹤專頁24小時以上的用戶才能留言。儘管如此，網民仍可通過Facebook的編輯記錄查看原帖內容。