人氣老店油豆腐驚現玻璃碎 網民嘆大不如前：以前真係好食

人氣小店食油豆腐　網民差點吞玻璃碎

事主在Facebook群組「食在屯門」分享，指自己上星期在豆漿大王食排骨油豆腐粉絲，「點知他們給我加料，在油豆腐裡食到玻璃」，幸好事主只是「咬到唔係插到」，不然就會成口血，後來事主換了改吃雲吞粉絲，但依然心有餘悸，直指「怕怕了，以後都唔會去。」

網民建議報食環　直指入黑名單

一眾網民對於事主的遭遇都非常同情，亦疑問「食到玻璃都唔報食環？」，認為「件事可大可小，如樓主所講屬實，唔知有冇喺其他食物上」，要報食環才可以保證大家的安全。亦有不少網民指出此店是出名的難食，形容是「超難吃的店」、「劣食到不行」、「佢啲酸辣湯係螢光橙色㗎」，也有網民指出該店的衛生同樣有問題，「佢門口整嘢食嗰位，我見過好多小強」、「上次有人post 酸x 湯食到有曱甴， 所以唔會再幫襯」。

網民慨嘆：以前真係好好食！

事情引起其他網民的熱烈討論，有不少網民都是由細吃到大的常客，直指以前的質素真的很好，可惜轉手後直線下滑，非常懷念以前的味道。

• 「轉手後已經唔係以前咁，差咗太多太多」
• 「全女班最原始時先好食， 以前勁鍾意， 一轉手， 愈做愈差， 嘢食有曱甴， 唔會再食。」
• 「轉咗手之後垃圾，味就差過以前好多，仲有個帶眼鏡長毛中坑係到鬧客，上次有個客睇唔過眼d態度同質素，話食左十幾廿年街坊生意，個長毛大大聲話「你唔食咪一樣咁多人食！」
• 「上次，亦係最後一次，d麵煮淋到冇牙都食到，d雲吞又淋到甩皮，湯又咸」