7-Eleven公佈雀巢牛奶樂、鳳仙雪條回歸！經典古古叻牛奶樂登場

7-Eleven雀巢原味/古古叻牛奶樂、鳳仙雪條回歸！

各位香港人的童年回憶，雀巢牛奶樂及鳳仙驚喜回歸7-Eleven。雀巢牛奶樂分別有原味同經典朱古力口味，奶味香濃；雀巢鳳仙則有香甜香蕉味脆皮外層包裹住香滑雲呢拿味雪糕，配上真正芒果醬作夾心，味道更豐富。

早前報道：7-Eleven驚見雀巢牛奶樂、鳳仙雪條！

有港人近日於7-Eleven雪糕櫃上發現了有雀巢牛奶樂雪條及鳳仙雪條的產品資料，當中可見牛奶樂共有牛奶味及朱古力兩款口味，$17/2支，若單買則每支$10，而鳳仙雪就售$12支。不過事主就表示暫只見價錢牌但卻未見其蹤影，「我係7-11見到有個咁嘅牌，但係雪糕櫃未見有，麻煩大家幫手留意下」，但已叫一眾網民相當期待。

牛奶樂雪條及鳳仙雪條早年曾停產，不少人都感到可惜。有網民就表示自己曾去信雀巢公司，希望他們能重新售賣產品，相信品牌得知港人們的心願所以再次將產品推出！

事主急不及待於Facebook「香港雪糕關注組」向大家分享這個好消息，此帖隨即引來眾人熱烈討論，更紛紛表示期待：「細個好中意食牛奶樂，每次2條」、「呀！牛奶樂呀！！！！！！！！好懷念！」、「鳳仙！！好期待！！」、「去掃幾支先」、「呢兩款雪條都好鍾意食呀，正」。另有網民許願其他雪條同樣能重出江湖，「如果有埋橙冰就好了！！」、「如果有『旺寶』就好啦」。

不過大部分網民去7-Eleven都失望而回，未能成功買到。編輯向7-Eleven查詢，其回覆指牛奶樂雪條及鳳仙雪條將會於不日內發售，但暫未能公布發售日期及地址，更多詳情將會稍後宣布。

部分網民失望：貴咗5倍！

雖然牛奶樂重新面世非常值得高興，但另有部分網民就指牛奶樂現售$10支，價錢相當昂價。有網民憶述過去牛奶樂只售$2，現今更是貴了逾5倍：「當年牛奶樂係咪$2」、「乜而家牛奶樂咁貴，以前好似仲係4蚊定唔知5蚊一支」、「牛奶樂以前係士多成日買嚟食， $3枝又好食又簡單，不過消失左好耐，依家重現都幾開心HAHAHA ，同埋鳳仙都係幾出色嘅雪條，不過貴咗好多」、「$12 一枝鳳仙好貴喎⋯⋯」。