港女幫襯人氣燒鵝餐廳食到一肚氣：伙記態度差、賣晒又唔講！
幫襯人氣燒鵝餐廳食到一肚氣
一名網民日前在Facebook群組「香港茶餐廳及美食關注組」分享一次幫襯棋子燒鵝的經歷，一開首就表示「垃圾餐廳影衰香港」、「如果老闆唔想做就咪做啦！嚟消費仲要受你氣，簡直不知所謂」。樓主指，當日一入餐廳坐下，就準備看餐牌挑選食物，但進店後沒有侍應招呼，樓主指「伙記唔會主動攞餐牌」，更離譜是「行嚟行去望你一眼或邊行邊應就行咗去」，結果光是拿餐牌，樓主都要叫侍應2次才能拿到，令樓主感到不快。
燒鵝河粉遲遲未到、追問職員指「整緊」
之後樓主及同行者點了一碗燒鵝河粉加凍檸茶，及雙併飯加罐汽水。點餐後燒鵝河粉及凍檸茶等了10多分鐘也未到，於是向職員追問，職員表示「整緊」。期間樓主聽到站門口的男職員大叫「12號枱冇河粉」，樓主以為是自己的，但後來確認自己坐的是6號枱，以為「叫咗咁耐可能係最後一碗」，於是只好繼續耐心等待。
等待20分鐘後才被告知「冇河粉」
後來雙併飯都吃完，燒鵝河粉及凍檸茶仍然未到，於是樓主再追問，這時剛才的男職員就大叫「都話冇河粉」，樓主表示相當驚訝，因為他們已經等了超過20分鐘，之前的職員更表示「整緊」，樓主不解「咁第一位職員追話整緊究竟係整緊咩呢？」，這時另一名女職員問樓主可否轉米粉或麵，樓主表示「等咁耐先問轉咩已經火滾」，向女職員指出「你哋大叫冇河粉前10分鐘我哋已經落單」，因此堅持不轉，女職員也只好向男職員表示「佢哋只想要河粉」。
男職員惡言相向 樓主暴怒回應
這時該男職員就開始發惡，大叫：「冇點畀啫！你想要就有㗎，我夠想發達咯！」，樓主聽到非常氣憤，怒斥「我哋喺你大叫12號枱冇河粉前10分鐘已經落單，你漏單係你問題，仲要咁嘅態度！唔想做就咪做嘛！」，男職員辯斥「(冇河粉)係我同我D伙記講啫」，樓主即暴怒回應「你企門口大叫到我哋客人都清楚聽到，你公司唔使顧形象㗎，咁嘅態度仲想發達！發霉就有你份！」，更問男職員「阿叔你係老闆呀？叫你老闆出嚟吖」，男職員即閉口不語。
網民撐樓主：欣賞你即場爆佢
樓主事後也表示「原本小事一宗，但請著啲咁嘅伙記直情影衰香港服務性行業」，直言「佢哋漏單難道係客人責任？咁嘅餐廳早執早著」。不少網民都表示撐樓主，指該餐廳的職員態度非常惡劣，而且等20分鐘才告知沒有食材也是不能接受：「我都係做飲食行業仲係做廚房，正常一碗河粉+杯凍檸茶5分鐘內一定出得到」、「欣賞你即場爆佢，去食嘢要受氣真係食完都頂住頂住」、「呢間店嘅店員態度真係好差！ 因為我都受過佢哋氣」；也有網民分析現今香港餐廳狀況，職員很多都態度惡劣：「垃圾香港飲食業、出品差hea住做、衛生差、服務差、價錢貴」、「喺香港已成常態，只會變差，不會變好」、「間間都請人所以唔驚打爛飯碗」，大家又是否有同感？
原文截圖：
