燒肉放鐵盤中間被店員制止　網民熱議燒肉的正確方法：原來要咁做！

食客被教訓用錯方法燒肉

近日，有一名食客在食燒肉時被換盤員工教訓「你唔好用中間燒，因為會燒燶個盤，用側邊燒啦！」，令事主感到非常疑惑，原來食燒肉也有正確的食法，顧客應避免使用烤盤中央直接加熱，以免燒壞烤盤，改使用側邊來燒烤才是正確的做法。事主對此感到疑惑，分享到Facebook討論怎樣燒肉才是正確。

網民爆笑留言：不如叫店員坐落嚟燒？

一眾網民都齊齊分享燒肉的爆笑經歷，有網民指「我試過俾店員幫我熄細個火，話會燶，我開返大啲俾佢見到又熄返細」，更提議可以「同姐姐講：不如你坐落嚟燒？」，又建議可以「直頭入廚房炒熟佢嚟食」，也有網民指自己食過很多次燒肉，都沒有經歷過類似的事件「我去食韓燒咁多次，從來無人咁同我講㗎喎」。

也有網民指出香港餐廳麻煩又要求多多「韓國食咁多次未試過會俾店員話佢地仲會好主動成日行埋嚟睇下燶咗未個盤黑到咁上下即刻走過嚟同你講幫你換有時見你唔識燒仲會拎起隻夾燒一次俾你睇點燒。」

網民教正確燒法：原來係咁樣！

不少網民好奇正確的燒似方法應是怎樣，有人留言教路：「正確係肉係放係d窿上面直接火燒，蔬菜先係放上去中間燒」，一眾網民瞬間長知識了。也有網民表示自己也被換盤店員指導過，「我次次去韓燒，如果佢D職員見我哋用中間燒，就會話好易燶叫我哋唔好用中間」，事主不是個別例子。