食客投訴燒臘店燒肉太肥上網公審　網民睇圖留言：唔識食仲喺度大大聲！

食客買燒肉呻中伏：全部肥羔點食！

事主指自己「第一次幫襯鑽石山啟鑽苑呢間燒臘檔，一幫襯就中伏」，他指出當天購買的燒肉雞飯中，燒肉部分幾乎全是脂肪，而雞肉部分也只有少量肉，令他大為不滿決定不會再次光顧。「今日買咗盒燒肉雞飯，燒肉全部肥羔，雞得兩嚿有肉，唔怪之得間舖冇人幫襯，肯定冇下次！」

網民恥笑唔識食

對於這位食客的投訴，大部分網民都不同意，認為雞肉賣相一般，但更燒肉沒有問題，是事主「唔識食」，有網民更圖文並茂地分析事主的燒腩仔是5層靚肉！

• 「睇相冇問題呀。燒腩仔嚟喇喎，仲想點呀？」
• 「5層肉唔靚？」
• 「燒肉好靚仔吖！肥瘦都OK啦！」
• 「呢啲燒肉先靚。你心目中嗰啲叫做煲湯瘦肉」

網民慨嘆：生意真係唔易做！

與此同時，也有不少網民覺得店家實在可憐，慨嘆生意唔易做，認為大家應該給予商家一些寬容不要做西客：「有咁燒肉唔易，仲投訴好難做生意」、「依家d人，係又投訴唔係又投訴，都唔知想要乜？」，也有網民提議「明顯是五層燒肉，不喜肥者，下次叫瘦燒肉。」，不過，有網民同意事主的說法，直指「這肉太肥了吧！」，雙方引起熱烈討論。