港男柯打燒肉米粉來到竟變「叉燒粒」 發文怒斥：仲畀埋啲頭尾，執X咗去啦

港男柯打燒肉米粉 餐廳落錯單來到竟變「叉燒粒」米粉

有男網民於Facebook群組「香港茶餐廳及美食關注組」發文投訴位於北角的大爺燒鵝的叉燒米粉。事主於早上8點半柯打了一客盛惠$32的燒肉米粉早餐，誰知一打開外賣，發現餐廳落錯單，燒肉變成叉燒，而當中原片叉燒更變成了叉燒粒，零零星星地散落在米粉上，讓事主認為自己中伏。

最後事主忍不住圖文並茂發文，除了張貼出外賣收據外，更寫道「大家評評理！呢間咁嘅嘢，叫『燒肉』變咗『叉燒』都算，仲畀埋啲頭尾，執X咗去啦」，認為原片叉燒變成叉燒粒實在離譜。

事主大鬧：大家樂都做唔出

而叉燒粒事件讓事主大怒，直指「一片肉都無，全部頭尾，大家樂都做唔出啦」、「永久Blacklist」、「未試過離譜到咁」。後來事主亦表示自己有致電到店舖投訴，職員請事主拿回去換，但是事主因擔心會引來「加料」問題，故決定坐視不理。

網民怒斥勁離譜 笑指：你係咪攞個兜乞食架？

網民看到照片後，都認為店舖實在太離譜，紛紛留言「啲叉燒燶到」、「個米粉好似未煮好？好硬」、「其實你係咪擺個兜去乞食架？」、「呢間嘢啲人好XX，叫肥叉專登勁瘦」、「好意思斬出嚟比客」、「真係幾過份喎」、「擺明蝦你，應寫信去消委會」。

有網民一睇價錢就鬧：$32連凍飲梗係俾頭尾

不過有網民卻認為一份叉燒米連飲品只需$32， 這價錢不能要求質素。有人指「$32連凍飲梗係畀頭尾！$50畀呢啲你先返嚟嘈啦！你去燒臘店買$32叉燒人哋隨時唔賣畀你」，認為餐廳有理。不過也有網民亦認為「收幾多錢係佢決定，但畀啲咁嘅嘢人食就唔得」，反駁餐廳不能因價錢而衡量食物出品質素。

資料來源：Facebook群組@「香港茶餐廳及美食關注組」