港女叫2個煲仔飯分5碗食 侍應寸爆回應！網民意見兩極

1煲仔飯分5碗 遭侍應寸爆

有女網民於Facebook群組「香港茶餐廳及美食關注組」發文分享，表示當時有5大人和2小孩到餐廳晚餐，點餐時先因為沒點價位較高的海鮮而被白眼，上菜時更離譜。侍應問煲仔飯該如何分碗，客人回答指想分成5碗，但男侍應拒絕，稱只能分成4碗。

該男侍應走到前面工作檯跟另一名侍應大聲說「米有一萬粒係咪要分一萬碗？」，疑刻意讓事主聽見。事主感到不悅，店方稱送紅豆沙作補償亦拒絕兼走人。

事主怒呻「係我個胃吾夠大，食唔到一個煲仔，sorry囉 」

女事主嬲爆於Facebook群組及Openrice大呻，「Sorry囉，係咪我三點食得下午茶太飽！所以食唔到每人一個煲仔」、「係我個胃唔夠大 sorry囉」

她自嘲自己下午茶吃得太飽及食量細，所以未能每人叫一個煲仔飯，才需勞煩侍應分碗。反寸侍應「我都想大開眼界一下，一萬個碗一齊上，每碗得一粒飯」！

網民熱討 反應兩極

帖文到現時為止已獲近千六個讚好及留言，引來不少網民熱討。不少網民力撐事主「作為前線服務員不應該亂禁批評客人想法，仲要俾客人聽到」、「分10碗都要諗辦法啦，每人一啖都要分呀，何況唔係剩食呢煲飯」、「食成$2000幾都被人黑面⋯⋯淨係茶芥都百幾蚊啦，仲要俾氣人受」。

網民齊插餐廳價格離地，卻未能提供合水準服務，需要抵制，「多謝發洩、以後唔去」、「唔值得比錢養呢啲人同店，我唔會幫襯」。不過亦有人批評事主指「自己分咪得，搞咁多嘢」、「服務也會因人而異」。