Donki貴價壽司現血絲兼發黑 網民斥：餵狗都怕搞到生蟲！

Donki 壽司現血絲兼發黑、連登仔斥： 好X噁心

日前有連登網民以「點解donki 啲壽司永遠都咁X噁心有血絲 仲要咁X貴」為題，批評 Donki所販賣的壽司質素奇劣。樓主指自己「次次行donki 見到啲壽司都好X唔開胃」，因為他所見的食材「啲魚永遠都怖滿血絲，啲海膽又有啲黑色喺到」，最過份的是價錢還要比一田或Aeon等日式超市貴，疑惑問這「唔通有血會好食啲同值錢啲？」。樓主隨便上網都找到不少Donki販賣中帶血絲或血點的魚生照片，還有賣$160的發黑拖羅，更有已變深啡色的海膽，但仍賣$250。

網民直言不敢吃：Donki愈來愈劣質

不少網民都表示認同，有網民指「有血既刺身真係得 DONKI先有」、「D 肉質色水好恐怖/好似D就快變壞既肉咁」、「佢黑到咁一係餵狗/一係拎返去煮熟變熟食」、「餵狗都怕搞到隻狗生蟲」，根本不可能拿出來售賣，而且價錢還要比較貴，實在想不到再光顧的理由；不過也有網民道出直相：「上面果盒發黑拖羅都有人買左，可能點都有人買」。更有網民指 Donki賣的貨品越來越貴，已經沒什麼興趣再去買東西，頂多去逛一逛。

日職人解釋魚生現血絲原因、最好加熱進食

同一時間，不少網民都對魚生現血絲的原因感到好奇，有網民分享一位日本職人的說法，該名職人指，以吞拿魚為例，假如漁夫撈捕方法不對，或之後的放血、儲存和冷凍方法出錯，都會引至吞拿魚肉出現血點或血絲。

這種質量的吞拿魚會被日式料理職人視為次品而退回給貿易商，擁有大量存貨的貿易商就會將其批發給大型連鎖店，通常價錢會比較便宜，雖然也可以進食，但一般都會建議加熱食用。大家如以後發現不新鮮的魚生，還是要小心為上，不要貪便宜啊。

資料來源：連登討論區、良いマグロと悪いマグロ