港男外賣漢堡食到一半驚見金屬戒指：「差啲哽死」 店家事後咁回應超離譜
廣告
最近有港人點外賣漢堡時，食到一半時驚訝地發現其中有一枚金屬戒指，超離譜！事主感到非常憤怒，隨即向店家反映事件及作出投訴，不過事主的回應更令他嬲上加嬲，即睇！
港男外賣漢堡食到一半驚見金屬戒指
該名事主在Facebook的「飲食爆料區」群組匿名發文，透露自己經外賣平台點了人氣漢堡店Honbo的芝士漢堡，不過在他食到一半時，竟然發現了一枚金屬戒指。從相片可見到該隻戒指相當粗身，若是不小心誤食恐會釀成悲劇。事主相當憤怒，隔天親身到店舖當面投訴，但只收到店主的電郵回覆指已經該購物平台退款，但事主並不滿意店家的處理手法，他指出能夠有這麼大的異物掉入漢堡，顯示該店的製作過程可能存在衛生問題，「同埋帶晒粗獷戒指，搓個漢堡扒係幾咁嘔心 唔衛生」，而且更令客人有生命危機，非常離譜：「Deliveroo 係有退錢，但差啲哽死呀大佬！」。事主表示，他已向食物環境衛生署報告此事，期望相關部門能進行跟進調查。
網民搞笑表示：求婚啫！
一眾網民見到事主圖片後都相當嘩然，「我會擔心啲肉有冇手指成份多啲囉」、「搞肉嗰個咁都唔知隻介指甩咗？咁粗應該好易搵」、「證明呢間嘢無戴手套整，唔衛生」、「所以做廚房係禁止配戴任何首飾」。不過亦有網民安慰事主指至少知道店家是手打牛肉，而不是機製。另有網民搞笑表示其實店家是想向事主示愛，不過表白不成反被投訴：「擺明同你求婚啦 ，無啲浪漫」、「用呢種方法向你求婚，係愛啊哈利」、「人哋整咗個求婚漢堡，送錯咗俾你！！人哋已經求婚失敗，你仲要走去投訴人！！」、「係咪想同你表白~」。
關鍵詞
飲食熱話
圖片來源：Facebook@中伏飲食報料區
